“Тоттенҳэм” ҳужумчи Ҳарри Кейн фақат бир шарт билан “Реал”га ўтиши маълум бўлди

“Тоттенҳэм” жамоаси Ҳарри Кейнни Бундеслига ёки Ла Лигага сотиб юбориши мумкин.

“Шпорлар” англиялик ҳужумчини АПЛнинг бошқа бир жамоасига ўтишини хоҳламайди. 

The Times нашрининг хабарига кўра, Кейн ёзда жамоани тарк этадиган бўлса, унинг эҳтимолий харидорлари “Бавария” ёки “Реал” — Маурисио Почеттино мадридликлар бош мураббийига айланиш шарти билан, бўлиши мумкин. Ҳарри 2019 йилга қадар аргентиналик мутахассис билан бирга ишлаган.

Агарда ҳужумчи Англияни тарк этадиган бўлса, ўзининг асосий мақсадларидан бири — Алан Ширернинг АПЛдаги голлари бўйича (260) рекордини янгилашни амалга ошира олмайди. Ҳозирда Кейн ҳисобида Премьер Лига доирасида 200 та гол мавжуд.