Entoni Joshuaning navbatdagi raqibi va jangi sanasi ma’lum bo‘ldi

Boks bo‘yicha super og‘ir vazn toifasida sobiq jahon chempioni Entoni Joshua (24-3-0, 22 KO) navbatdagi jangini Jermeyn Franklinga (21-1-0, 14 KO) qarshi o‘tkazadi.

Buyuk Britaniya va AQSH vakillari o‘rtasidagi jang 1-aprel kuni London shahrida bo‘lib o‘tadi.

Joshua 2021-yilning sentabrida Oleksandr Usikka (20-0-0, 16 KO) qarshi jang qilib, unda yutqazgan va WBA Super, WBO, IBF hamda IBO kamarlarini boy bergandi. 2022-yilning avgustidagi revansh jangida ham Joshua yengilgan.

Franklin esa so‘nggi jangini 2022-yilning noyabrida Dillian Uaytga qarshi o‘tkazgan. Unda amerikalik bokschi ochkolar evaziga imkoniyatni boy bergan va faoliyatidagi ilk mag‘lubiyatini qabul qilib olgandi.