Ла Лига. “Барселона” ўз уйида “Севилья”ни йирик ҳисобда мағлуб этди

Футбол бўйича Испания чемпионатининг 20-турида “Барселона” 5 февраль, якшанба куни “Севилья”ни қабул қилди.

Учрашувнинг биринчи бўлимида ҳисоб очилмади. 58-дақиқада Хорди Альба каталонларни олдинга олиб чиқди. 70-дақиқада Гави орадаги фарқни оширган бўлса, 79-дақиқада Рафинья ҳисобни йирик кўринишга олиб келди.

“Барселона” ушбу ғалаба эвазига очколарини 53 тага етказиб олди ва энг яқин таъқибчиси “Реал” (45) билан орадаги фарқни 8 очкога етказди. “Севилья” 21 очко билан 16-поғонада қолди.

20-турдан кейин мусобақа жадвали қуйидаги кўринишни олди:

Ла Лига

20-тур баҳслари

5 февраль, якшанба

“Барселона” – “Севилья” 3:0

Голлар: 1:0 – 58 Альба, 2:0 – 70 Гави, 3:0 – 79 Рафинья.

“Барселона”: тер Штеген, Кунде, Кристенсен, Араухо (Алонсо, 80), Альба (Балде, 83), Бускетс (Кессиэ, 8), де Йонг, Педри, Гави (Фати, 80), Левандовски, Рафинья (Ферран Торрес, 84).

“Севилья”: Буну, Монтел, Гудел, Рекик, Баде, Акуня (Окампос, 65), Оливер Торрес (Хил, 46), Ракитич, Жордан, Гуйе (Фернандо, 83), ан-Несири (Ламела, 46).

Огоҳлантиришлар: Ракитич (45), Жордан (75).

“Жирона” – “Валенсия” 1:0

Гол: 1:0 – 63 Гарсия.

“Реал Сосьедад” – “Вальядолид” 0:1

Гол: 0:1 – 73 Ларин.