La Liga. “Barselona” o‘z uyida “Sevilya”ni yirik hisobda mag‘lub etdi

Futbol bo‘yicha Ispaniya chempionatining 20-turida “Barselona” 5-fevral, yakshanba kuni “Sevilya”ni qabul qildi.

Uchrashuvning birinchi bo‘limida hisob ochilmadi. 58-daqiqada Xordi Alba katalonlarni oldinga olib chiqdi. 70-daqiqada Gavi oradagi farqni oshirgan bo‘lsa, 79-daqiqada Rafinya hisobni yirik ko‘rinishga olib keldi.

“Barselona” ushbu g‘alaba evaziga ochkolarini 53 taga yetkazib oldi va eng yaqin ta’qibchisi “Real” (45) bilan oradagi farqni 8 ochkoga yetkazdi. “Sevilya” 21 ochko bilan 16-pog‘onada qoldi.

20-turdan keyin musobaqa jadvali quyidagi ko‘rinishni oldi:

La Liga

20-tur bahslari

5-fevral, yakshanba

“Barselona” – “Sevilya” 3:0

Gollar: 1:0 – 58 Alba, 2:0 – 70 Gavi, 3:0 – 79 Rafinya.

“Barselona”: ter Shtegen, Kunde, Kristensen, Arauxo (Alonso, 80), Alba (Balde, 83), Buskets (Kessie, 8), de Yong, Pedri, Gavi (Fati, 80), Levandovski, Rafinya (Ferran Torres, 84).

“Sevilya”: Bunu, Montel, Gudel, Rekik, Bade, Akunya (Okampos, 65), Oliver Torres (Xil, 46), Rakitich, Jordan, Guye (Fernando, 83), an-Nesiri (Lamela, 46).

Ogohlantirishlar: Rakitich (45), Jordan (75).

“Jirona” – “Valensiya” 1:0

Gol: 1:0 – 63 Garsiya.

“Real Sosyedad” – “Valyadolid” 0:1

Gol: 0:1 – 73 Larin.