А Серия. Элдор Шомуродовнинг дебют ўйинида “Специя” ўзида “Наполи”га йирик ҳисобда ютқазди

Футбол бўйича Италия А Сериясининг 21-турида “Специя” 5 февраль, якшанба куни “Наполи”ни қабул қилди.

Учрашувнинг биринчи бўлимида ҳисоб очилмади. Иккинчи бўлим дебютида майдон эгалари ҳимоячиси ўз жарима майдонида қўли билан ҳаракат қилди ва белгиланган пенальтини Хвича Кварацхелия голга айлантирди.

68-дақиқада Виктор Осимҳен ҳисобни ишончли кўринишга олиб келган бўлса, орадан кўп ўтмай Хвичанинг узатмасидан кейин дублини нишонлади.

Учрашувда ўзбекистонлик ҳужумчи Элдор Шомуродов “Специя” сафидаги дебютини ўтказди. Асосий таркибда майдонга тушган Шомуродов 76-дақиқада захирага олинди.

“Наполи” ушбу ғалаба эвазига очколарини 56 тага етказиб олган ҳолда пешқадамликни мустаҳкамлади. Неаполликлар энг яқин таъқибчи “Интер”ни 16 очкога ортда қолдирмоқда. “Специя” 18 очко билан 17-поғонада бормоқда.

А Серия

21-тур баҳси

5 февраль, якшанба

“Специя” — “Наполи” 0:3

Голлар: 0:1 – 47, пенальти Кварацхелия, 0:2 – 68 Осимҳен, 0:3 – 73 Осимҳен.

“Специя”: Дронговски, Амян, Николау, Калдара (Сипот, 76), Ампаду, Реца, Бурабия, Агудело, Эспозито (Висневски, 86), Шомуродов (Кроллис, 76), Верде (Мальдини, 76).

“Наполи”: Мерет, Ди Лоренцо, Рраҳмани, Ким Мин Же, Мариу Руй (Оливeра, 74), Лоботка, Зелиньски (Элмаз, 62), Замбо-Ангисса, Лосано (Политано, 46), Осимҳен (Симеоне, 82), Кварацхелия (Ндомбеле, 74).

Огоҳлантиришлар: Ампаду (16), Лосано (19), Калдара (50), Зелиньски (52), Реца (85).