Ла Лига. “Реал” сафарда “Мальорка”га ютқазиб қўйди

Футбол бўйича Испания чемпионатининг 20-турида “Реал” 5 февраль, якшанба куни “Мальорка” меҳмони бўлди.

Учрашувнинг 13-дақиқасида меҳмонлар ҳимоячиси Начо ўз дарвозасини ишғол қилиб қўйди. 60-дақиқада “Реал” вакиллари пенальти тепиш имкониятига эга бўлди, бироқ Марко Асенсионинг зарбасини дарвозабон бартараф этди. Қолган вақтда мадридликларда қатор имкониятлар бўлди, ҳисоб ўйин якунига қадар ўзгармай қолди.

Ушбу ғалаба эвазига “Мальорка” очколарини 28 тага етказиб олган ҳолда 10-поғонада бормоқда. “Реал” эса 45 очко билан иккинчи поғонадан жой олган.

Ла Лига

20-тур баҳси

5 февраль, якшанба

“Мальорка” — “Реал Мадрид” 1:0

Гол: 1:0 – 13, автогол Начо.

“Мальорка”: Райкович, Маффео, Настасич, Раилё, Гонсалес, Коста, Дани Родригес (Ндиае, 68), Ли Кан Ин (Санчес, 78), Руис де Галаррета (Грене, 90), Баба (Батталя, 78), Мурики.

“Реал Мадрид”: Лунин, Карвахаль, Начо, Рюдигер, Камавинга, Себальос (Алаба, 71), Вальверде (Модрич, 64), Тчуамени (Кроос, 71), Асенсио (Мариано Диас, 71), Винисиус Жуниор, Родриго.

Огоҳлантиришлар: Винисиус Жуниор (44), Себальос (45), Коста (61), Вальверде (64), Ндиае (72), Руис де Галаррета (80), Модрич (81), Маффео (87), Мариано Диас (90), Раилё (90).