Бош оғриғи мегаполислар аҳолиси орасида энг кўп учрайдиган муаммолардан бири: улар ҳаддан ортиқ кўп ахборотга эга ва доимо қаергадир шошади. Бу муаммо билан қандай курашиш керак, мутахассис тушунтиради, деб ёзади “Новий очаг” нашри.
Кучли бош оғриғи қандай пайдо бўлади?
Ички диалог
Бошдаги оғриқ доимий ички мулоқот, маълумотни қабул қилиш ва таҳлил қилиш зарурати туфайли юзага келиши мумкин. Ва кўпинча бу иллюзия, чунки одам нима содир бўлаётганини назорат қилишга интилади. Янги билим унга бунда бошқарувни беради деб ўйлайди. Аммо ундай эмас: жуда кўп билим қарор қабул қилишда ёрдам бериш ўрнига, аксинча, чалкаштириши мумкин.
Нима қилиш керак?
Ижтимоий тармоқларга кирманг, янгиликларни ўқиманг. Ўзингиз учун рақамли детоксни ташкил қилинг. Ётишдан олдин тинч ҳолатга ўтиш кечки пайт қиладиган энг яхши ишдир.
Узоқ умр кўрувчиларнинг сири шундаки, уларнинг ҳафтасида бир кун борки, умуман ишламайдилар. Бунинг ўрнига оиласи билан вақт ўтказадилар, севимли машғулотларига ва хоҳлаган нарсаларига эътибор берадилар. Ҳозирданоқ буни кундалик жадвалга киритиш қийин бўлса, мунтазам равишда бир соатдан бошлашга ҳаракат қилинг. Секин-аста бу вақтни ярим кунга, кейин эса бутун кунга оширинг.
Ҳафталик жадвалимда ўзим ва менинг яқинларим учун аниқ вақт ажратилганини билиш ўз-ўзидан стрессга қарши восита бўлиб хизмат қилади. Қандай гўзал анъана.
Юзни сақлаш зарурати
Бўйин ва бошдаги оғриқлар вақтида юзни ушлаб туриш зарурати, хатти-ҳаракатлар ва ҳис-туйғуларни ҳаддан ташқари назорат қилиш ҳақида. Яъни, ҳамма нарсани ўзингизда ушлаб қолишга одатланган бўлсангиз, бепарволик билан айтилган сўз ёки кўрсатилган ҳис-туйғуларни ўзингиздан чиқазиб юбора олмасангиз, уларни шунчаки яширинг.
Чиқиш йўли бўлмаса, бу реакциялар пешонада, чаккада ёки бошнинг энса қисмида бош оғриғи сифатида намоён бўлади.
Ва жағларда ҳам қанчалик зўриқиш борлигини билмайсиз — ахир ўз фикримизни айтмаслик, йиғлаб ёки бақириб юбормаслик учун тишларимизни бир-бирига босган ҳолда ўзимизни тийиб турамиз.
Нима қилиш керак?
Ёрдам берадиган оддий ҳаракатлар мавжуд: масалан, сочингизни юваётганда бармоқларингиз билан бош терисини енгил массаж қилинг. Бунинг учун бармоқ учларини бошга маҳкам тираган ҳолда терини уқалаш керак. Аввалига ҳеч қандай ўзгаришлар йўқдек туюлиши мумкин, лекин ҳар бир такрорлаганда бош териси янада эгилувчан, юмшоқ ва бўшашади: бу билан ташқи тарангликни енгиллаштирасиз ва ўзингизга дам олиш учун сигнал берасиз.
Юздаги тарангликни қандай йўқоца бўлади: кафтларингизни бир-бирига яхшилаб ишқаланг ва илиқ қўллар билан юзингизни ёпинг ва кафтларингизни пешонангиздан иягингизга қадар силжитинг, гўё юзингиздаги барча тўпланиб қолган тарангликни ёйиб юборасиз. Бу машқни аста-секин бажариб, бир неча маротаба такрорлаш мумкин.
Мавзуга доир:
Изоҳ (0)