Uzbekistan Airways 2023 йил баҳор-ёз навигациясидан бошлаб Тошкентдан Россиянинг иккита шаҳрига янги йўналиш бўйича авиақатновлар сони оширилишини эълон қилди.
Маълум қилинишича, Тошкент—Омск—Тошкент йўналиши бўйича 26 мартдан ҳафтасига бир марта, якшанба кунлари, шунингдек, Тошкент—Нижний Новгород—Тошкент йўналиши бўйича 28 мартдан ҳафтасига икки марта, сешанба ва шанба кунлари мунтазам парвозлар амалга оширилади.
Авиакомпаниянинг “Шарқий” хабни ривожлантириш лойиҳаси доирасида авиақатновлар сони Намангандан ҳам кўпайтирилмоқда. 27 мартдан бошлаб Наманган—Оренбург—Наманган йўналиши бўйича ҳам парвозлар тикланади.
Мунтазам тўғридан тўғри авиақатновлар ҳафтада бир марта душанба кунлари амалга оширилади. 31 мартдан бошлаб эса ҳафтада бир марта, жума кунлари Наманган—Нижневартовск—Наманган йўналиши бўйича янги йўналиш йўлга қўйилади.
Тошкентдан, Намангандан парвоз қилувчи юқорида санаб ўтилган барча авиақатновлар авиакомпаниянинг кам бюджетли йўловчи авиаташувчиси ҳисобланган Uzbekistan Airways Express бренди остида амалга оширилиб, авиация бозорида йўловчилар учун ҳамёнбоп нархдаги авиачипталарни тақдим этади.
Изоҳ (0)