Ўзбекистонда жиноятчиликка қарши курашда иштирок этиб, жароҳат олган фуқароларга пул берилади

Вазирлар Маҳкамаси қарори билан ҳуқуқбузарликлар профилактикасида иштирок этувчи фуқароларнинг ижтимоий таъминоти бўйича чоралар белгиланди.

Ҳужжатга мувофиқ, жамоат хавфсизлигини таъминлаш, ҳуқуқбузарликлар профилактикаси ва жиноятчиликка қарши курашишдаги фаол иштирок этган ва ўртача ёки оғир тан жароҳати олган ёхуд ҳалок бўлган шахсларга бир марталик нафақа тайинланади.

Бир марталик нафақа миқдорлари қуйидагича:

• ўртача тан жароҳатида — БҲМнинг 20 баравари;
• оғир тан жароҳатида — БҲМнинг 50 баравари;
• фуқаро ҳалок бўлганида — БҲМнинг 100 баравари.

Нафақалар тайинлашга профилактика органларининг суд-тиббий хулоса ёки ўлим ҳақидаги гувоҳнома илова қилинган тақдимномасига асосланган комиссия қарори асос ҳисобланади. Ҳужжат Қонунчилик ҳужжатлари миллий базасида эълон қилинган ва 30 январдан кучга кирган.