Биз нарсалар дунёсида яшаяпмиз, лекин уларнинг кўпчилиги ҳақиқий одамлар шарафига атаб қўйилгани ҳақида деярли ўйламаймиз ҳам.
Рапунзель – помидор нави
Гилос катталигидаги мазкур помидорлар ширин ва серсув. Айниқса, пишганда ажойиб кўринади: узун шохлар ёрқин қизил мевалар билан қопланган. Улар Рапунзелнинг жингалак сочларига ўхшайди, шу боис бу нав шундай номланади.
Ҳейди Клум — Ҳеиди Клум атиргуллари
Хушбичим ва нозик атиргуллар Ҳейди Клум номи билан аталган. У Кёльндаги гуллар кўргазмасига ташриф буюради. Тасодифан Ҳейди ўзига энг ёққан атиргуллар билан бир хил рангдаги кўйлак кийган бўлади. “Атиргуллар дастхатли фотосуратлардан афзалроқ”, деган супермодель ва бу унинг учун катта шараф эканлигини қўшимча қилган.
Майкл Жордан – Nike’дан Air Jordan
Air Jordan кроссовкалари Майкл Жордан учун махсус ишлаб чиқарилган. Кроссовкаларнинг юқори сифати ва қулайлиги тезда бутун дунё баскетболчиларининг меҳрини қозонди. Вақт ўтиши билан поябзал нафақат профессионал спортчилар, балки оддий одамлар орасида ҳам мухлисларни топди. Ҳақиқий мухлислар винтаж моделлари учун катта маблағ сарфлашга тайёр ва янги Жорданлар саватга учадиган тўп тезлигида сотилади.
Қиролича Клод — ренклод олхўриси
Франция қироли Френцис I нинг рафиқаси қиролича Клод шарафига Италиядан Францияга олиб келинган хушбўй олхўрилар номланган. Reine Claude (сўзма-сўз “Қиролича Клод”) номидан ташқари, бу нав Клоднинг мулойим табиатига ҳурмат сифатида ла бонне реине – “меҳрибон қиролича” сифатида ҳам танилган.
Чарльз Макинтош — макинтош плаши
1823 йилда Шотландия кимёгари Чарльз Макинтош яна бир тажриба ўтказади ва сув ўтказмайдиган матони ихтиро қилади. У топилмани патентлайди ва сув ўтказмайдиган плаш - макинтош ишлаб чиқаришни йўлга қўяди. Макинтош томонидан ихтиро қилинган технология бугунги кунда ҳам муваффақиятли қўлланилмоқда ва Mackintosh бренди Hermès, Louis Vuitton ва Gucci каби таниқли мода уйлари билан ҳамкорлик қилади.
Моника Беллуччи — Dolce & Gabbana’дан Мисс Моника сумкаси
Дизайнерлар Моника Беллуччи билан ҳамкорликдан илҳомланиб, Мисс Моника сумкаси тармоғини яратдилар. Ушбу модель ранглар ва пардозлашнинг кенг танловига эга: бир нечта турдаги терилар, шунингдек, чарм ва нақшлар комбинацияси. Сумка жуда кенг, планшет, косметик сумка ва ҳамён учун жой бор.
Одри Хёпберн — Oliver Goldsmit’дан Audrey кўзойнаклари
Дизайнер Oliveр Goldсмит Одри Хёпберннинг унутилмас қиёфасини яратишга ҳисса қўшади. У кўплаб фильмлар учун кўзойнаклар яратган, шу жумладан унинг энг машҳур “Катта бойлик изидан” ва “Тиффанидаги нонушта” фильмлари учун ҳам. Актриса хотирасига компания энг машҳур кўзойнак моделларидан бирини Audrey деб номлайди.
Кейт Миддлтон – Whistles’дан Kate блузкаси
Кейт шаҳзода Уильям билан унаштириш маросими учун ипак Whistles ипакли блузкасини кийган. Қироллик оиласининг мухлислари бу қарорни олқишлайди, чунки Кейт дизайнерлик брендидан эмас, балки кўплаб аёллар сотиб олишга қодир бўлган кофтани танлаганди. Ушбу модел шу қадар машҳур бўладики, инглиз бренди уни Каtе номи билан қайта чиқаради. Кейт тўйининг 10 йиллигида ҳам худди шу блузкани кийган.
Женнифер Энистон – “Янги Рейчел” соч турмаги
Кўпчилик “Дўстлар” экранларга чиққанидан кейин Рейчелнинг соч турмагини эслайди. Стилистларнинг таъкидлашича, соч турмаги ҳозир ҳам долзарб, аммо у баъзи ўзгаришларга учраган. Ҳатто Женнифер Энистон ҳам ўзининг машҳур соч турмагига қайтди, албатта, тенденцияларни ҳисобга олган ҳолда.
Изоҳ (0)