Спайк лақабли чихуахуа дунёдаги энг кекса ит сифатида Гиннеснинг рекордлар китобига киритилди. Ит ҳозир 23 ёшда.
![](/static/nasiba/photo_2023-01-28_14-56-58.jpg)
Спайк охирги 13 йил давомида Рита Кимбеллнинг Огайо штатидаги фермасида яшаб келмоқда. Аёл итни 2009 йилда кўчада озиқ-овқат дўкони ёнидан топиб олган ва уни боқиб олишга қарор қилган.
“Унинг орқа қисмидаги туклари қирқилган, бўйнида занжир ёки арқон сабаб қон излари бор эди. У атрофдагиларга аҳамиятсиз кўринар эди. Дўкон сотувчиси бизга бу ит уч кундан бери айланиб юрганини ва улар унга овқат қолдиқларини беришаётганини айтди”, — деб эслайди Рита. Кимбеллнинг сўзларига кўра, чихуахуа дарҳол унинг орқасидан эргашган ва тезда янги уйга кўникиб қолган.
![](/static/nasiba/photo_2023-01-28_15-59-05.jpg)
Спайк ҳар куни тонгда соат 7:00 ёки 7:30 да уйғонади. Одатда ит турган заҳоти нонушта қилади, бироқ баъзида эрталабки таомни ўтказиб юборади.
Ит ко′п ҳолларда эрталаб хўжайинига ҳамроҳлик қилади. "У фермадаги ҳайвонлар: сигирлар, отлар ва мушукларга қарайди”, — дейди Рита. Эрталаб сайр қилгандан сўнг, Спайк уйга қайтади ва уй бекаси ўзига қаҳва тайёрлагунча айвонда ухлаб, эртанги кунга тайёргарлик кўради.
“Фермада ҳар доим қилинадиган ишлар бор: биз ўтин чопамиз, манзарали буталарни парвариш қиламиз, пичанларни тўпларга жойлаштирамиз, ҳосил йиғамиз”, — дейди Кимбалл. У шунингдек, ит шанба куни чўмилишни яхши кўришини айтди. Овқатларига келсак, Доритос чипслари Спайкнинг севимли таоми бўлган, бироқ ҳозир ит пишлоқли дудланган колбасани ёқтиради.
![](/static/nasiba/photo_2023-01-28_16-01-15.jpg)
“Ҳозир у рекордчига айланганидан сўнг, у машҳур ит сифатида қабул қилинади. Улар (Кимбеллнинг қариндошлари) итнинг бунчалик узоқ яшаганига ишонмаяпти”, — дейди Рита. Кимбеллнинг сўзларига кўра, Спайк унинг неваралари билан яхши муносабатда бўлади ва ҳеч қачон бегоналарни тишламаган, бироқ ҳар доим ҳам ортиқча эътибор беришлари унга ёқмайди.
![](/static/nasiba/photo_2023-01-28_16-03-03.jpg)
“У ғамхўр, бироқ ит аллақачон кўриш ва эшитиш қобилиятини йўқотган, баъзида асабийлашади ва шунчаки ёлғиз қолишни хоҳлайди”, — дейди итнинг эгаси.
Изоҳ (0)