Ertalab uyg‘onishda yo‘l qo‘yilgan ilk xato kuni bo‘yi o‘z ta’sirini o‘tkazishi mumkin. Kun har doim yaxshi o‘tishi uchun bir nechta xatolardan qochish kerak, deb yozadi “Noviy ochag”.
Uyg‘otkich vaqtini ortga surish
Afsuski, qo‘shimcha besh daqiqa uyqu hech qanday energiya bermaydi. Qolaversa, qayta-qayta uyg‘onishni keyinga qoldirib, barcha ishni ortga surish mumkin xolos. Salomatlikning kaliti — muntazamlik. Bir vaqtning o‘zida uxlashga va uyg‘onishga harakat qilish tavsiya etiladi, kamida 8 soat uxlash orqali salomatlikni yaxshi tomonga o‘zgarganini tez orada sezish mumkin.
Pardalarni ochmaslik
Qorong‘i xonada yaxshiroq uxlayman deb o‘ylaysizmi? Unday emas. Quyosh nuri tezroq uyg‘onishga yordam beradi va buning uchun energiya paydo bo‘ladi. Bundan tashqari, tabiiy sikllar va metabolik jarayonlarni tartibga solish uchun zarurdir, bu esa o‘z navbatida immunitet tizimining ishiga ta’sir qiladi va organizmni yallig‘lanish hamda yuqumli kasalliklardan himoya qiladi.
Yotoqdan shoshilib turish
To‘satdan pozitsiyani gorizontaldan vertikalga o‘zgartirganda, qon organizmning yuqori yarmidan oyoqlarga oqib chiqadi. Bu bosimning pasayishiga, zaiflik va bosh aylanishiga olib kelishi mumkin. Shoshayotgan bo‘lsangiz ham yotoqdan sakrab tushmang. To‘shakning chetida 1-2 daqiqa o‘tirib, yaxshilab uyg‘onib olish zarur.
Ertalabki mashg‘ulotlarni o‘tkazib yuborish
Uyg‘ongandan so‘ng darhol sport bilan shug‘ullanish kun bo‘yi energiya va yaxshi kayfiyatda yurishga yordam beradi. Bundan tashqari, ertalab kaloriyalarning yaxshi qismi sarflangandan so‘ng, nonushta uchun mazali narsa iste’mol qilish mumkin.
Gigiyenaga rioya qilmaslik
Qahva yoki limonli suv kabi kislotali ichimliklardan keyin tishlarni yuvishga shoshilmaslik kerak. Buni oldindan yoki nonushtadan keyin 30-60 daqiqadan so‘ng qilish yaxshiroq, aks holda tez orada tish shifokoriga murojaat qilishga to‘g‘ri keladi.
Telefonni uzoqroqqa qo‘ymaslik
Uyqu asab tizimini tiklashga yordam beradi, stress va tashvishlardan xalos qiladi. Agar uyg‘ongach, elektron pochta xabarlari, messenjerlar yoki ijtimoiy tarmoqlardagi sahifalarni tekshirish uchun birinchi navbatda gadjetlarni qo‘lga olinsa, uyquning butun terapevtik ta’siri bekor bo‘ladi.
Nonushtani o‘tkazib yuborish
Nonushtani o‘tkazib yubormaydigan odamlarda semirish, doimiy charchoq sindromi, 2-toifa diabet va yurak-qon tomir kasalliklari xavfi kamroq ekani ilmiy jihatdan isbotlangan.
Shirinliklarga o‘chlik
Kunni bulochka va boshqa shakarli mahsulotlar bilan boshlamaslikka harakat qilish tavsiya etiladi. Ushbu mahsulotlarda oddiy uglevodlar mavjud. Bu moddalar organizmga kirib, juda tezlikda shakarga aylanadi. Qon shakarining ko‘payishi insulinning faol ishlab chiqarilishini rag‘batlantiradi. Ushbu bosqichda kafiyat biroz ko‘tarilishi mumkin, ammo oddiy uglevodlar ham tez hazm qilinadi va avvalgi energiyadan asar ham qolmaydi. Bir soat ichida charchoq va ochlik paydo bo‘ladi.
Fikrlashni o‘zgartirmaslik
Agar kun qiyin va voqealarga boy bo‘lsa, ertalab meditatsiya uchun bir necha daqiqa bo‘sh vaqtdan foydalanish lozim. Ko‘zlarni yumish, miyani salbiy fikrlardan tozalash, faqat chuqur va sekin nafas olish lozim. Ushbu amaliyot stress gormoni kortizol darajasini pasaytirish va tushkun kayfiyatni bartaraf etish imkonini beradi. Agar har kuni nafas olish mashqlari bajarilsa, tashvish, gipertoniya, uyqusizlik va migren xavfini sezilarli darajada kamayadi.
Rejasiz ish qilish
Kun davomida mashaqqatli stress, tartibsizlik va shoshqaloqlikdan qochish uchun ertalabdan reja tuzishni boshlash lozim. Asosiy hal qilish kerak bo‘lgan vazifalarni miyada shakllantirib olish zarur. Bu orqali barcha rejalashtirilgan ishlarni bajarishga vaqt topish mumkin.
Izoh (0)