“Noviy ochag” nashri foydalangandan so‘ng qo‘l yuvish tavsiya etiladigan kundalik buyumlarni sanab o‘tdi.
Muntazam qo‘l yuvish infeksiyalarning oldini olishning eng oson va samarali usuli hisoblanadi. Albatta, ovqatlanishdan oldin va ko‘chadan qaytgandan keyin qo‘lni yuvish kerak, lekin ba’zida bu ham yetarli emas. Ayniqsa, har kuni duch keladigan va sog‘liqqa katta zarar yetkazadigan xavfli buyumlar mavjud.
Pul
Banknot va tangalar xavfli infeksiyalarning haqiqiy tashuvchilari hisoblanadi. Bakteriya, virus va hatto uy hayvonlari infeksiyasi tom ma’noda har bir pul birligida to‘planadi va bularning barchasi do‘konga har safar tashrif buyurgandan keyin qo‘lga tushadi. Ayni paytda barchaning hamyonida kichik yuqumli kasalliklar laboratoriyasi mavjud. Demak, ulardan himoyalanish uchun qo‘l yuvishni unutmaslik lozim.
Eshik tutqichlari
Kun davomida qancha odam metro va avtobuslardagi tutqichlarga, eskalator panjaralariga tegishini tasavvur qila olasizmi? Barcha xavfli mikrob va bakteriyalar odamdan odamga tezlik bilan tarqaladi, keyin qo‘llar bilan lab yoki ko‘zlarga tegilsa, ular organizmga kirib boradi. Jamoat transportidan foydalangandan keyin qo‘lni yuvish va undan oldin yuzga tegmaslikka harakat qilish lozim.
Qahvaxona va restoranlardagi menyu
Umumiy ovqatlanish maskanlaridagi menyu muqovalari va sahifalarida hojatxona o‘rindiqlariga qaraganda xavfliroq mikroblar bor. Shuning uchun buyurtma bergandan keyin qo‘l yuvishni unutmaslik kerak.
Ruchkalar
Ko‘pincha bu jamoat joylarida, masalan, pochta bo‘limi yoki bank filialida sodir bo‘ladi. Ehtimol, yuzlab odamlar bu ruchkalardan foydalangan va ularda juda ko‘p bakteriyalar qolgan bo‘lishi mumkin. Bunday ommaviy foydalanishdan so‘ng o‘rtacha hisobda boshqa buyumlarga qaraganda 10 barobar ko‘proq bakteriyalar yashaydi.
Smartfonlar
Birinchidan, haftada kamida bir marta smartfon ekranini, shuningdek, lablarga yaqin turadigan qismlarini dezinfeksiyalovchi salfetkalar bilan artib olish tavsiya etiladi, bu telefonga joylashgan mikroblar nafas olish tizimiga kirmasligi uchun. Ikkinchidan, telefon ekraniga tegib bo‘lgandan keyin qo‘llarni yuvish lozim.
Taxtakach va gubka
Nam muhit bakteriyalarni yetishtirish uchun eng yaxshi joydir. Oshxona lattalari, idishlarni yuvish uchun gubkalar va taxtakach bakteriyalar koloniyasini o‘stirish uchun haqiqiy qulay joylardir. Shuning uchun ularni muntazam ravishda yangilash va ularni ishlatgandan keyin qo‘lni yuvish lozim.
Shifokor kabinetidagi hamma narsa
Shifokor kabinetidagi eshik tutqichlari, stol, stul suyanchiqlari va boshqa narsalar salomatlik uchun xavflidir. Kun davomida ko‘p bemorlar u yerga kiradi va ularning deyarli barchasi nimadir bilan kasallangan. Virus, bakteriya va mikroorganizmlar bu narsalarda qolishi tabiiy. Shuning uchun shifokor huzuridan chiqqandan keyin qo‘llarni yaxshilab yuvish kerak.
Aeroportda
Har kuni yuz minglab odamlar aeroport salonlaridan o‘tadi va ularning barchasi virus va infeksiyalar qoldiradi. Eng xavfli joylar eshik tutqichlari, o‘rindiqlar va hokazo. Albatta, u yerdan chiqqach qo‘llarni darhol yuvishni unutmaslik lozim.
Izoh (0)