Germaniya Iqtisodiyot vazirligining hisob-kitoblariga ko‘ra, mamlakat Rossiya gaz importi o‘rnini suyultirilgan gaz quvvatlari bilan almashtira olmayapti. Bu haqda Bloomberg xabar berdi.
O‘tgan hafta Kansler Olaf Shols mamlakat Rossiyaga haddan tashqari qaramlikdan saboq olganini bildirgan.
Unga ko‘ra, endi mamlakatning maqsadi xomashyoni Rossiyadan import qilmasdan, urushdan oldingidek ko‘p gazga ega bo‘lish imkoniyatini beradigan quvvatni oshirish.
Ammo Germaniya 56 milliard kub metr mahalliy LNG import quvvatiga ega bo‘lishi uchun 2026-yilgacha vaqt kerak bo‘ladi. Bu taxminan 2021-yilda Rossiyadan quvur orqali import qilingan hajmga teng.
Germaniya 2026-yilda LNG quvvatini 56 milliard kub metrga yetkazadi:
2030-yilga kelib bu quvvatlar 76,5 milliard kub metrni yoki 2021-yildagi Germaniya umumiy gaz iste’molining qariyb 80 foizini tashkil qiladi.
Hozirgacha Germaniya umumiy iste’molni qisqartirish, qo‘shni Yevropa davlatlari orqali LNG import qilish, Norvegiya va Niderlandiyadan quvurlar orqali yetkazib berishni ko‘paytirish orqali Rossiyaga qaramligini kamaytirishga muvaffaq bo‘ldi.
“Haqiqat shundaki, keyingi uch-to‘rt yil ichida dunyoda o‘sib borayotgan talabni qondirish uchun LNG ishlab chiqarish quvvati yetarli bo‘lmaydi”, — dedi so‘l partiyadan qonunchi Kristian Li.
Unga ko‘ra, Germaniyaning oshkor etilmagan strategiyasi — haddan tashqari baland narxlarni to‘lashda davom etish. Boshqa kambag‘al mamlakatlar esa bunday sharoitda quruq qo‘l bilan qolib ketish ehtimoli yuqori.
Mavzuga doir: Germaniya moliya vaziri mamlakat endi Rossiya energetikasiga qaram emasligini ma’lum qildi
Izoh (0)