Луи ван Гал «Манчестер Юнайтед» ҳақида: Дунёнинг энг бой клубида ишлаб, ўзим истаган трансферларни амалга ошира олмаганман

Нидерландиялик мураббий Луи ван Гал «Манчестер Юнайтед» унга ўзи хоҳлаган футболчиларни харид қилмагани ҳақида гапирди.

«Бу қойилмақом. Мен дунёнинг энг бой клубида ишлаб туриб, ўзим истаган трансферларни амалга ошира олмаганман.

‘Манчестер Юнайтед’ — фаолиятимдаги энг қийин давр бўлган. Мен у ерга менежер бўлиш учун боргандим, лекин ҳафсалам пир бўлган. Кўплаб футболчиларнинг ёши 30 дан баланд эди. Бу билан шуғулланишим керак эди. Руни ҳам 30 ёш атрофида эди» — дейди Нидерландия собиқ устози ўзи ҳақидаги ҳужжатли фильмда Уэйн Руни билан суҳбатда.

Манкунианликларнинг собиқ ҳужумчиси: «Жуда хафа бўлганман, чунки барчаси тўғри йўлга қўйилгандек кўринганди. Сизга яна бир йил имкон берилганидан, муваффақиятга эришишимиз мумкин эди», — дейди.

Луи ван Гал даврида «Манчестер Юнайтед» Мац Ҳуммелс, Серхио Рамос, Садио Мане, Томас Мюллер ва Роберт Левандовски билан шартнома имзолай олмаган.

Нидерландиялик мутахассис клубдаги 2 йили давомида 13 нафар футболчи олиб келинган, хусусан 2014 йилда Анхель ди Мария учун 59,7 миллион, кейинчалик Антони Марсьяль учун 58 миллион евро сарфланган.