Киев вилоятидаги Бровари шаҳрида 18 январь куни эрталаб болалар боғчаси биноси яқинига вертолёт қулаб тушди, шундан кейин ёнғин бошланди. Бу ҳақда «Суспилне» телеканали вилоят полициясига таяниб хабар берди.
Украина президенти офиси раҳбари ўринбосари Кирилл Тимошенко, ўз навбатида, Броварида «ижтимоий инфратузилма объектига учар қурилма қулаб тушгани» ҳақида маълум қилди. Киев вилояти маъмурияти раҳбари Алексей Кулеба аниқлик киритишича, вертолёт болалар боғчаси ва турар жой ўртасига келиб тушган.
Воқеа чоғида болалар боғчасида ходимлар ва тарбияланувчилар бўлган, деди Кулеба. Унинг сўзларига кўра, бинодан ҳамма эвакуация қилинган.
Полициянинг дастлабки маълумотларига кўра, вертолёт қулаши оқибатида бир неча киши ҳалок бўлган. Баъзи манбалар беш киши жабрланганини маълум қилганди. Полиция қайд этишича, жабрланганлар орасида болалар йўқ.
Изоҳ (0)