Путин Туркманистон президенти билан энергетика соҳасидаги ҳамкорликни муҳокама қилди

Туркманистон ва Россия президентлари Сердар Бердимуҳамедов ва Владимир Путин 17 январь куни телефон орқали суҳбатлашди.

«Россия-Туркманистон стратегик шериклиги бўйича эришилган даражани юқори баҳолаб, давлат раҳбари энергетика соҳасидаги амалий ҳамкорлик бўйича бир қатор муайян масалаларни муҳокама қилди», — дейилади Кремль матбуот хизмати хабарида бошқа тафсилотлар келтирилмаган ҳолда.

Шунингдек, Россия ҳукумати раҳбари Михаил Мишустин 19—20 январь кунлари Туркманистонга ташриф буюриши маълум бўлди.

2022 йил сентябрида Бердимуҳамедов ва Путин ШҲТ саммити доирасида учрашув ўтказган эди. Ўшанда ҳам Туркманистон ва Россия президентлари энергетик ҳамкорлик мавзусини муҳокама қилган.

Аввалроқ Туркманистон бош вазири ўринбосари Шоҳим Абдураҳмонов мамлакатда биринчи ерости газ омбори қурилишини маълум қилган эди. Унинг сўзларига кўра, газ омбори «товар гази захираларини таъминлаш учун» қурилади.

Табиий газ захиралари бўйича Туркманистон Россия, Эрон ва Қатар билан биргаликда дунёнинг биринчи тўртлигига киради.

2019 йил апрелида «Газпром» Туркманистон билан шартномали алоқалар қайта тикланганини маълум қилди, муносабатлар 2016 йилда бир томонлама тартибда бекор қилинган эди. Ўша йилиёқ Россия компанияси Туркмангаз» давлат компаниясида табиий газ сотиб олиш бўйича шартнома тузди. Унинг доирасида «Газпром» йилига 5,5 миллиард куб метр газ олади.