Россия элчихонаси Қримни Украина ҳудуди деб тан олди

Россиянинг Швециядаги элчихонаси 17 январь куни Twitter’даги расмий саҳифасига харита жойлади, унда Қрим Украина ҳудуди сифатида кўрсатилган.

Gasoline prices per liter, 9 January 2023 pic.twitter.com/cUbJjhuVQx

— Russian Embassy, SWE (@RusEmbSwe) January 17, 2023

Европада ёнилғининг ўртача нархлари қиёсланган харитада Украина халқаро тан олинган чегаралари билан, шу жумладан, Қрим билан бирга тасвирланган.

Фойдаланувчилар бунга дарҳол эътибор қаратиб, изоҳларда Россияга ўз қўшиналрини Қримдан олиб кетишни маслаҳат берди.

Маълумот учун, 2014 йил март ойида Қримда референдум бўлиб ўтган, унда яриморол аҳолисининг аксарияти Россияга қўшилишни қўллаб-қувватлаган. Украина ва бир қатор Ғарб давлатлари овоз бериш натижаларини тан олмайди ва содир бўлган воқеаларни «аннексия» деб ҳисоблайди. АҚШ Қримнинг Россияга қўшилишини ҳеч қачон тан олмасликка сўз берган. Россия ҳукумати бир неча бор Қрим масаласи тарихан ёпиқ эканини таъкидлаган.

2022 йилнинг март ойида Россия президенти матбуот котиби Дмитрий Песков Қримнинг Россия ҳудуди сифатида тан олиниши Украинадаги босқинни тўхтатиши мумкин бўлган шартлардан бири бўлишини айтган.