«Манчестер Сити» ярим ҳимоячиси Илкай Гундўған фаолиятини Ла Лигада давом эттириши мумкин.
32 ёшли футболчига «Барселона»дан қизиқиш бор. Каталонлар Гундўғанни 2023 йилнинг ёзида эркин агент мақомида ўз сафига қўшиб олмоқчи, дея хабар қилмоқда Mundo Deportivo.
Илкайнинг «шаҳарликлар» билан амалдаги шартномаси жорий мавсум охирида ўз ниҳоясига етади. Футболчи «Манчестер Сити» сафида 2016 йилдан бери тўп суриб келади.
Гундўған АПЛ жорий мавсумида 15 та ўйин ўтказиб, иккитадан гол ва голли узатма муаллифига айланди.
Изоҳ (0)