Пул ва вақтни осонгина тежаш мумкин. Қандай қилиб, дейсизми, албатта, салонга бормай, барчасини уйда амалга оширган ҳолда. «Новий очаг» нашри сочларни уйда ҳам худди салондагидек қуритишга ёрдам берадиган лайфхаклар билан бўлишди.
Яхши фен сотиб олинг
Биринчи навбатда сифатли фен харид қилиш тавсия этилади. Ундан фойдаланиш қулай бўлиши лозим, юқори ҳаво оқими, жуда оғир эмаслиги, иссиқликни назорат қилиши, шовқин даражаси паст ва шнурнинг узунлиги ҳам етарлича бўлиши муҳим. Ушбу сифатларни ўзида жамлаган фен, албатта, ёрдам бериши шубҳасиз.
Сочни қоидаларга кўра ювинг
Турмаклашдан олдин тўғри шампунь танлаш ҳам шу даражада муҳимдир: одатда ҳажм берувчи шампунь таркибида кондиционер бўлмагани маъқул. Чунки бундай композиция сочни оғирлаштиради. Агар соч узун ва жингалак бўлса, уларни ювгандан сўнг илдиздан беш сантиметр пастки қисмга кондиционер қўллаш мумкин. Натижада сочлар илдизи ҳажмга эга бўлади, қуйи қисми эса силлиқ кўринишни сақлаб қолади.
Сочни турмак учун тайёрланг
Сартарошхона ва салонлар тизими асосчиси Эдвард Трикоми сочларни тўртта тенг қисмга бўлишни ва ҳар бир қисмни алоҳида қуритишни тавсия қилади. Ҳар бир қисмни юқорига кўтариш ва фен ёрдамида қуритиш керак.
Ҳаво оқими фақат соч узунлиги бўйлаб йўналтирилади. Шундагина сочлар илдизлардан бошлаб ҳажмга эга бўлади. Қуритиш охирида сочлар бироз нам бўлиши керак.
Салондаги каби турмак яратинг
Бунинг учун катта думалоқ тароқ ёрдам беради. Сочлар маълум қисмга пастдан юқорига қараб ажратиб олинади. Ҳар бир қисм думалоқ тароққа ўралади ва фен билан қуритилган ҳолда тортиб таралади. Жараён шу тарзда такрорланади.
Соч турмагини узоқроқ сақлаб қолиш учун мустаҳкамловчи лак сепилади. Қолаверса, турмакни бир неча кун давомида янгидек сақлаш учун қуруқ шампунь ёки кукунлардан фойдаланиш тавсия этилади. Улар ортиқча ёғ ва кирларни ўзлаштиради, сочларни тоза сақлайди.
Мавзуга доир:
Изоҳ (0)