Бугун,

  • USD 11095.31
  • RUB 173.84
  • EUR 10772.44

Ўзбекистон иқтисодиётининг ўсиши бўйича прогноз эълон қилинди. Бу ҳақда «Дарё»га Иқтисодий тадқиқотлар ва ислоҳотлар маркази хабар берди.

Фото: «Дарё» / Мадина Нурман

Фото: «Дарё» / Мадина Нурман

2023 йилнинг биринчи чораги учун мамлакат ялпи ички маҳсулотининг (ЯИМ) дастлабки баҳоси тақдим этилди. Иқтисодиёт биринчи чоракда бироз пасайиши кутилмоқда. Биринчи чоракда Ўзбекистоннинг иқтисодий ўсиши одатда мавсумий омиллар туфайли паст бўлади.

2022 йилнинг тўртинчи чорагида ЯИМнинг ҳафталик ўсиш тенденцияси давом этди, бу ўтган йилнинг учинчи чорагида ҳам кузатилди.

Ўсиш тенденцияси асосан ташқи савдо ва хизмат кўрсатиш соҳасидаги ишбилармонлик фаоллигининг сезиларли даражада ошиши билан боғлиқ бўлди. Хусусан, 2022 йил давомида товар ва хизматларнинг ташқи савдо айланмаси 18,6 фоизга ошди.

Ўтган йилнинг октябрь ва ноябрь ойларида саноат, ички савдо ва хизмат кўрсатиш соҳаларидаги фаоллик ҳам сезиларли даражада ошди.

Бу Google қидирув сўровларида «Бизнес ва саноат» тоифалари бўйича қидирувларининг — 15,7 фоизга, «Харид қилиш» — 17 фоизга ва «Дам олиш ва ўйин-кулги» — 10 фоизга ошишида намоён бўлди.

Ўзбекистон ялпи ички маҳсулотининг прогноз қилинаётган ҳафталик ўсиши (2022 йил ва 2023 йил 1-чораги)

Фото: Review

Фото: Review

2022 йил август ва октябрь ойларида Ўзбекистон иқтисодиётининг ўсиши мос равишда 5,81 фоиз ва 5,77 фоиз даражасида прогноз қилинган эди.

Шу билан бирга, 2022 йилда Ўзбекистоннинг иқтисодий ўсиши 5,67 фоиздан 5,87 фоизгача бўлган диапазонда прогноз қилинган эди.

Умуман олганда, ўтган йили ташқи ва ички қийинчиликларга қарамай, Ўзбекистон иқтисодиётида барқарорлик намоён бўлди.

Жорий йилда Ўзбекистон иқтисодиёти ривожланишда давом этади. 2023 йилнинг биринчи чорагида иқтисодиётнинг йиллик ўсиши 5,47 фоизни ташкил қилиши кутилмоқда.

Иқтисодиётнинг бироз пасайиши сезиларли инфляция босими ва мавсумий омиллар билан боғлиқ бўлади. Йиллик иқтисодий ўсишнинг прогноз диапазони 2023 йилнинг биринчи чораги учун 5,31—5,62 фоиз даражасида белгиланди.

Аввалроқ Жаҳон банки 2023 йил учун глобал иқтисодий ўсиш прогнозини кескин пасайтиргани ҳақида хабар берилганди.

Изоҳ
Асосий янгиликлар
Дунё
АҚШ Ельциннинг Украина ҳақидаги баёнотини махфийликдан чиқарди
Иқтисодиёт
Коррупция даражаси, иқтисодий эркинлик индекси: Ўзбекистоннинг халқаро рейтинглардаги ўрни қандай ўзгармоқда?
Иқтисодиёт
Ўзбекистонда фрилансерлик: улар қанча маош олади ва нега кўпаймоқда?