Хави: Соврин қўлга киритиш «Реал»дан кўра «Барселона»га муҳимроқ эди. Жамоа анчадан буён ғалаба қозонмаётганди

«Барселона» бош мураббийи Хави «Реал» устидан қозонилган ғалабадан сўнг (3:1) ўз фикрларини билдириб ўтди.

Соврин қўлга киритиш «Реал»дан кўра бизга кўпроқ муҳим эди.

Футболчиларимдан мамнунман, улар бунга лойиқ эди. Кийим алмаштириш хонасидаги муҳит ажойиб. «Реал»га қарши ўйнаётганда, уларни назорат қилиш ва хатоларни имкон қадар камайтириш лозим.

Баҳс биз учун ажойиб ўтди ва футболчилар буни тушуниб турганди. Гави, Педри, Френки де Йонг... Дембеле ва Араухони ҳам эслаб ўтиш керак. Уларнинг барчаси учун хурсандмиз.

Финалда «Реал»га қарши ўйнаганимиздек, «Сеуте» ва «Хетафе»га қарши ўйинда ҳам шундай ҳаракат қилишимиз керак. Хотиржамликка берилиш керак эмас. Бу менинг ишим.

Хурсандман. Энди жамоани бошқаришда ва ёрдам беришда давом этишим керак. Бу охирги соврин бўлиб қолмайди деб умид қиламан.

Бизда ажойиб авлод етишиб чиқмоқда. Ўйинчилар совринларга чанқоқлиги сезилмоқда. Анча вақтдан буён соврин қўлга киритмагандик. Мана шу кун бурилиш нуқтаси бўлиб хизмат қилишини хоҳлардим.

Хави, «Барселона» бош мураббийи