Футбол мутахассиси Алишер Никимбаев ЖЧ—2022 да Осиё терма жамоаларининг ўйини сюрприз бўлгани ҳақида гапирди.
Мен учун биринчи сюрприз Эрон бўлган. Чунки терма жамоада чемпионатдан олдин жуда кўп муаммолар бўлган. Дастлаб Скочични олиб ташламоқчи бўлишган, бир ҳафтадан сўнг яна қайтарди. Ундан сўнг барибир Драганни истеъфога чиқариб, Карлуш Кейрушни олиб келишди. Тўғрисини айтсам, ўша вақтда Кейрушга ишонмаганман. Чунки шундай гап борку, битта дарёга икки марта шўнғий олмайсан. Шу сабабдан у Эрон билан иккинчи марта ҳеч нарса қила олмаса керак деб ўйлаганман. Ва 1-тур Англияга қарши йирик ҳисобда мағлуб бўлгач, гапларим тўғридек туюлди. Лекин Уэльсга қарши баҳсда умуман бошқача Эрон майдонга тушди. Балки улар ҳам уйидаги сиёсий вазиятга кўпроқ эътибор қаратгандир. Шу сабабдан биринчи ўйини қовушмагандир.Япония Хорватия билан ўйинда ҳисобни охиригача ушлаганда, балки Марокашга ўхшаб 3-4 ўрин учун курашиши мумкин эди. Японияни сюрприз дейиш ҳам қийин, чунки уларда 2050 йилгача дастур тузилган. Улар ўша дастур бўйича секин-аста ишлаяпти. Ҳамма кулгани қанақасига 50 йиллик дастур бўлиши мумкин деб. Бироқ ўша ишлаяпти.
Саудия Арабистони Аргентинани ўйин бўйича ютди. Тасодиф эмас. Уларда битта терма жамоа эмас, Олимпиячилари ҳам, ўтган йили кўрдик U-23 терма жамоаси ҳам яхши ўйнаганди. Демак, уларда камида яна битта авлод бор.
Австралияда 10-15 йил олдингидек юлдузлар йўқ. Лекин улар Дания билан бир гуруҳда бўлиб, плей-оффга чиқди. Аргентинага қарши охиригача курашди.
Алишер Никимбаев, футбол мутахассиси
Изоҳ (0)