Ўзбекистон ҳарбий делегацияси Ҳиндистоннинг Кумаон вилоятидаги Уттаракханд штатининг Питхорагарх шаҳридаги тоғли ҳудудда жойлашган Халқаро тайёргарлик полигонига ташриф буюрди. Бу ҳақда Шимоли-ғарбий ҳарбий округ матбуот хизмати «Дарё»га маълумот берди.
Қайд этилишича, ташриф Ўзбекистон ва Ҳиндистон ўртасида имзоланган 2022—2023 йилга икки томонлама ҳарбий ҳамкорлик режасига мувофиқ, 2023 йилда ўтказилиши режалаштирилган «Дўстлик-2023» биргаликдаги ўзбек-ҳинд ўқувини мувофиқлаштириш мақсадида амалга оширилган.
Ўзбекистон Республикаси Мудофаа вазирлиги бошқарма бошлиғи полковник Расул Жапаров ҳамда Шимоли-ғарбий ҳарбий округ қўшинлари қўмондонининг ўринбосари полковник Исмоил Қурбонов ҳиндистонлик ҳамкасблари билан шу йилнинг февраль март ойларида режалаштирилаётган ҳамкорликдаги ўқувларни ўтказиш, Ўзбекистон ҳарбий контингентини қабул қилиш ва жойлаштириш ҳамда таъминот масалаларини келишиб олган.
Мазкур учрашувда икки мамлакат вакилларининг қўшимча таклифлари эътиборга олиниб, икки давлат ҳарбийлари иштирокида спорт ва маданий тадбирларни ҳам ташкил этиш бўйича тавсиялар режага киритилган.
Изоҳ (0)