Болливуднинг дунёга машҳур актёри Салмон Хоннинг синглиси Арпитанинг ҳаёт йўли Болливуд блокбастерининг сценарийсига ўхшайди. Bollywoodtime нашри уйсиз, етим қолган қизалоқ қандай қилиб миллионерга айлангани ҳақидаги маълумотларни тақдим этди.
Ҳар куни эрталаб Салмон Хоннинг отаси Салим Хон ва онаси Хелен сайрга чиқишарди. Бемор аёл тез-тез йўл бўйида қизи билан тиланчилик қилиб ўтирарди. Меҳрибон Салим уларга озиқ-овқат сотиб олиб бериб боқди. Бир куни навбатдаги сайрдан уйига қайтаётган Салим йўл четида тинмай йиғлаётган болани, аёл эса унинг ёнида қимир этмай ётганини кўради.
У тўхтаб, болани овутди ва аёлга ёрдам беришга ҳаракат қилди, сўнгра унинг ўлганини билди. Хелен қизни уйига олиб борди ва оилавий муҳокамада уни асраб олишга қарор қилишди. Тез орада қийин жараён бошланди. Чақалоқ бутунлай етим қолган эди. Унинг отаси йўқ, вафот этган онаси эса уйсиз бўлган. Қизнинг исми Арпита ва у бир ярим ёшда эди.
У оилада беш фарзанднинг энг кичиги, севимлиси бўлди, Салим Хон ва Хеленнинг учта: Салмон, Арбаз ва Саҳил исмли ўғиллари ва Алвира исмли қизи бор эди. Хонлар Арпитани нафақат қучоқ очиб қабул қилди, балки унинг чинакам қадрдон яқинларига айланди.
Арпита Мумбайда таҳсил олди, Лондон мода коллежини тамомлади ва интерьер дизайн фирмасида ишлади. Салим Хон ўта одобли инсон бўлиб, пулни беҳуда, ортиқча тўйларга сарфлашни ёқтирмайди. Бироқ Арпита ҳақида гап кетганда, у ўз оиласидаги барча тўйларни бирлаштиргандан кўра кўпроқ пул сарфлади.
Ажабланарлиси шундаки, Хонлар унинг динини ўзгартирмади. Оила аъзолари мусулмон, бироқ улар қизини ҳиндларнинг урф-одатларига кўра турмушга берган. Арпитанинг турмуш ўртоғи Аюш Шарма бизнесмен бўлиб, кутилганидек, тўйдан кейин рафиқасининг акаси Салмон Хон ёрдамида Болливуд актёри бўлишни орзу қилган.
Аюшнинг ўзи камбағалликдан йироқ, отаси Анил Ҳимачал-Прадеш штатининг Конгресс партиясидаги вазири, унинг марҳум бобоси Сухрам Шарма эса партия раҳбари бўлган. Арпита Аюшга турмушга чиқишидан олдин Бони Капурнинг ўғли Аржун Капур билан учрашди, бироқ бу муносабатлар натижа бермади.
Арпита 2013 йилда умумий дўсти орқали бўлажак турмуш ўртоғи билан танишди. Улар 2015 йилнинг бошида турмуш қуришлари керак эди, бироқ тўй санаси Салмоннинг ота-онасининг Олтин тўйига тўғри келди, шунинг учун тўй маросими олдинроқ, 2014 йилнинг ноябрь ойида ўтказилди.
Бу маросим Ҳайдаробод саройида бўлиб ўтган чинакам қироллик тўйи бўлиб, умумий 242 000 доллар сарфланган. Оила ҳеч қандай пулни аямади, бутун дунё учун зиёфат уюштирди ва мамлакатнинг бир неча юзлаб таниқли шахсларини чақирди. Салмон Хон суюкли синглисига учта ётоқхонаси бўлган айвонли ҳашаматли уйни совға қилди.
Арпита 2016 йилда биринчи фарзанди Охилни, 2019 йилда эса қизи Оятни дунёга келтирди. Жуфтлик 10 йилдан бери бирга бўлишига қарамай, ижтимоий тармоқларда доим танқид қилинади. Мода бўйича дипломга эга бўлган Арпита кийим танлаши борасида масхара қилинади.
Мухлислар Арпитанинг турмуш ўртоғи Аюш уни яхши кўриб турмуш қурганига ишонмайди. Аюш тўйдан сўнг актёр бўлиш мақсадида бизнесни тарк этди. Салмон Хон унга Болливудга киришига ёрдам берди.
Арпита гўзалликдан йироқ ва ўзига ғамхўрлик қилмайди, шунинг учун у ортиқча вазндан азият чекади. Бироқ у ҳақиқатан ҳам бахтли қиз. Унинг турмуш ўртоғи, икки фарзанди, ҳисобидаги миллионлари, бир нечта уйлари, шунингдек, уни жуда яхши кўрадиган меҳрибон оиласи бор.
Агар Салим Хоннинг катта юраги бўлмаганида, бу қиз тақдир тақозоси билан ташлаб кетилган етим бўларди.
Мавзуга доир:
Изоҳ (0)