Қозоғистонда инфляция 20,3 фоизга етди. Охирги марта нархларнинг йиллик кўрсаткичларда ўсиши фақат 2000 йил март ойида юқори бўлган —20,4 фоиз. Бу ҳақда Forbes хабар бермоқда.
Юқори инфляцияга қарши курашда Қозоғистон Миллий банки ўтган йил давомида базавий ставкани 6 марта жами 700 базавий пуктга оширишга мажбур бўлди. Натижада у 2016 йил даражасига етди.
Декабрь ойи охирида ойлик инфляция кутилганидан (1,2 фоиз) паст бўлди ва 2022 йил октябрь ойида пайдо бўлган секинлашув тенденцияси давом этди.
Энг кутилмагани хизматлар инфляцияси динамикаси бўлди, унинг секинлашиши асосан истеъмол нархларининг умуман кутилганидан паст даражаси билан изоҳланади.
Маълумотларга кўра, айни пайтда, нархлар ўсишининг секинлашиши ҳали инфляция босимининг пасайишини англатмайди, балки шунчаки улар аввалгидек тез ўсмаслигидан далолат беради.
Аввалроқ Ўзбекистонда 2022 йилда нархлар қанчага ўсгани маълум бўлгани ҳақида хабар берилганди.
Изоҳ (0)