Кам ҳаракатли ҳаёт тарзи муаммосини ҳал қилувчи велосипед столи қандай кўринишга эга? Шунингдек, Acer компаниясининг қайта ишланган ва океандан йиғиб олинган пластикдан тайёрланувчи деталларга эга ноутбуклари.
Acer компаниясининг 3 январда ўтган глобал матбуот анжуманида келгуси ривожланиш йўллари белгилаб олинди. Компания экология, барқарор тараққиёт, тикланувчан энергия ва бизнес диверсификацияси масалаларига диққатни жамлашда давом этади.
Acer’нинг маҳсулотлар оиласида шахсий ва профессионал ҳаёт уйғунлиги ғояси акс этади. Янги техникалар 13-авлодга мансуб Intel® Core™ қудратли процессорлари билан таъминланади.
Трендлар: экология ва сунъий интеллект
2023 йилдаги янги маҳсулотлар истеъмол чиқиндиларини қайта ишлаш натижасида олинган пластик (PCR)дан фойдаланиб ишлаб чиқарилади. 2025 йилга бориб, Acer SHK ва дисплейларда 20-30 фоиз қайта ишланган пластикдан фойдаланишни, 2035 йилгача эса, бутунлай қайта тикланувчан энергия манбаларига ўтишни режалаштирган.
Тайванлик ишлаб чиқарувчи 2009–2020 йилларда ўз углерод ташламаларини 60 фоизга қисқартирибгина қолмай, ҳамкорларни ҳам шунга ундамоқда. Чунончи, 2022 йилдан буён етказиб берувчилар атмосферага углерод ташламалари тўғрисида Acer’га ахборот тақдим эта бошладилар ва уларни қисқартириш устида ишламоқдалар.
Acer мунтазам жаҳон барқарор тараққиёт рейтингларига киритилади. Чунончи, компания 2021–2022 йилларда S&P Глобал Sustainability Yearbook’да Silver Class совринига эга бўлди, 9 йилдан буён «Доу-Жонс» барқарор тараққиёт индексига киритилади, EcoVadis платформаси платина рейтинги билан тақдирланган.
Глобал стратегияда Acer компьютер жиҳозлари ишлаб чиқарувчиларнинг анъанавий тафаккуридан четланиб, сунъий интеллект ҳамда катта маълумотларга инвестицияларни оширмоқда. Чунончи, холдинг ахборот хавфсизлиги, интеллектуал тизимлар ва ақлли шаҳарлар соҳасида маҳсулотлар ишлаб чиқармоқда. 2022 йилнинг 3-чорагида гуруҳ умумий амалиёт даромадининг 43 фоизини шўъба корхоналар таъминладилар.
Хусусан, Acer Medical Inc. сунъий интеллект базасида қатор тиббий ечимларни бозорга чиқарди. Ишлаб чиқилган ДТ диабетга чалинганлар ва кексалар кўз тўри ҳолатининг шикастланиши ва ёмонлашувини диагностикалайди.
Acer eKinekt велосипед столи
Acer фаол ва экологик соғлом ҳаёт тарзи учун eKinekt Bike Desk’ни таклиф қилади. eKinekt – бу стол ва велотренажёр комбинацияси бўлиб, офис ходимлари, фрилансерлар ва талабаларга ҳатто ўта банд пайтларида ҳам ўзларини тетик ҳис қилишларига имкон беради. Педални айлантиришдан чиқадиган энергия гажетларни зарядлашга ишлатилади. Велостол, педаллар дақиқасига 60 та айлантирилганда, 75 Вт/соат электр энергиясини ишлаб чиқаради.
Кундалик вазифалардан ажралмаган ҳолда спорт билан шуғулланиш 2 та режимда таклиф этилади. Иш режимида стол, ёзиш қулай бўлиши учун, креслога яқинроқ жойлаштирилади. Спорт режимида стол усти нарироққа сурилади – шунда, худди велотренажёрда бўлгани каби, эгилиш учун масофа ҳосил бўлади. eKinekt велостолини ишлаб чиқаришда PCR-пластикдан фойдаланилади.
Swift Go – ҳайратланарли ранг узатилишига эга ингичка ноутбук
Acer янги Swift Go – OLED-дисплейига эга ингичка ва енгил ноутбукни тақдим этади. Swift Go 16 модели атиги 1,4 кг, Swift Go 14 эса – 1,3 кг. Сунъий интеллектли процессорлар юқори унумдорликни, шунингдек, видеоконференция вақтида овоз ҳамда тасвир тиниқлигини кафолатлайди. Автоном ишлаш давомийлиги 9,5 соатдан ошади.
Swift Go ноутбукларининг сенсорли дисплейлари устига микробга қарши мустаҳкам ойна қопланган, у тирналишлар пайдо бўлиши ва бактериялар кўпайишининг олдини олади. Тачпад океандан йиғиб олинган пластикдан ясалган, бу ҳам атроф-муҳитни асрашга қўшилган ҳисса саналади.
Ўйин экотизими
Тайван холдинги тўлақонли ўйин экотизимини яратишда давом этади, у жиҳоз (SHK, дисплейлар ва аксессуарлар), геймерлар мусобақалари, PLANET 9 платформаси ва севимли ўйинларнинг ҳажмли талқини яратувчи SpatialLabs технологиясини ўз ичига олади.
2023 йилда Acer ўйин портфолиосини янги Predator ноутбуклари ва мониторлари ҳисобига кенгайтиради. Intel вице-президенти Стив Лонг Predator Helios 16 ва Helios 18 моделлари лаборатория синовларида бозордаги муқобилларига нисбатан яхшироқ унумдорликни – Crossmark синовларида 40 фоизгача ва Blender’да 200 фоизгача устунликни кўрсатганликларини қайд этди.
OLED-дисплейига эга Predator мониторлари (45 дюйм ва 27 дюймли) 240 Гц ли, яшин тезлигидаги янгиланиш частотаси, бор-йўғи 0,01 миллисекундлик ҳозиржавоблик ва тасвирлар батафсиллигининг аъло даражада экани билан кишини жалб қилади.
Acer Aspire – бутун оилага мос линия
Acer Aspire маҳсулотлари турли мақсадлардаги кундалик вазифаларни ҳал қилиш учун яратилган. Aspire S моноблоки билан уйда минималистик ва замонавий руҳдаги ишчи муҳит яратиш осон. Моноблок кўп вазифалилик режимида юқори унумдорлик, тиниқ тасвир ва овознинг DTS Surround юқори сифатини намойиш этади.
Ҳавола орқали ўтиб, Acer’нинг бошқа янгиликларидан хабардор бўлинг: Nitro сериясидаги ўйин ноутбуклари ва универсал, ишчан Aspire ноутбуклари.
Реклама ҳуқуқи асосида.
Изоҳ (0)