Kam harakatli hayot tarzi muammosini hal qiluvchi velosiped stoli qanday ko‘rinishga ega? Shuningdek, Acer kompaniyasining qayta ishlangan va okeandan yig‘ib olingan plastikdan tayyorlanuvchi detallarga ega noutbuklari.
Acer kompaniyasining 3-yanvarda o‘tgan global matbuot anjumanida kelgusi rivojlanish yo‘llari belgilab olindi. Kompaniya ekologiya, barqaror taraqqiyot, tiklanuvchan energiya va biznes diversifikatsiyasi masalalariga diqqatni jamlashda davom etadi.
Acer’ning mahsulotlar oilasida shaxsiy va professional hayot uyg‘unligi g‘oyasi aks etadi. Yangi texnikalar 13-avlodga mansub Intel® Core™ qudratli protsessorlari bilan ta’minlanadi.
Trendlar: ekologiya va sun’iy intellekt
2023-yildagi yangi mahsulotlar iste’mol chiqindilarini qayta ishlash natijasida olingan plastik (PCR)dan foydalanib ishlab chiqariladi. 2025-yilga borib, Acer SHK va displeylarda 20-30 foiz qayta ishlangan plastikdan foydalanishni, 2035-yilgacha esa, butunlay qayta tiklanuvchan energiya manbalariga o‘tishni rejalashtirgan.
Tayvanlik ishlab chiqaruvchi 2009–2020-yillarda o‘z uglerod tashlamalarini 60 foizga qisqartiribgina qolmay, hamkorlarni ham shunga undamoqda. Chunonchi, 2022-yildan buyon yetkazib beruvchilar atmosferaga uglerod tashlamalari to‘g‘risida Acer’ga axborot taqdim eta boshladilar va ularni qisqartirish ustida ishlamoqdalar.
Acer muntazam jahon barqaror taraqqiyot reytinglariga kiritiladi. Chunonchi, kompaniya 2021–2022-yillarda S&P Global Sustainability Yearbook’da Silver Class sovriniga ega bo‘ldi, 9 yildan buyon “Dou-Jons” barqaror taraqqiyot indeksiga kiritiladi, EcoVadis platformasi platina reytingi bilan taqdirlangan.
Global strategiyada Acer kompyuter jihozlari ishlab chiqaruvchilarning an’anaviy tafakkuridan chetlanib, sun’iy intellekt hamda katta ma’lumotlarga investitsiyalarni oshirmoqda. Chunonchi, xolding axborot xavfsizligi, intellektual tizimlar va aqlli shaharlar sohasida mahsulotlar ishlab chiqarmoqda. 2022-yilning 3-choragida guruh umumiy amaliyot daromadining 43 foizini sho‘ba korxonalar ta’minladilar.
Xususan, Acer Medical Inc. sun’iy intellekt bazasida qator tibbiy yechimlarni bozorga chiqardi. Ishlab chiqilgan DT diabetga chalinganlar va keksalar ko‘z to‘ri holatining shikastlanishi va yomonlashuvini diagnostikalaydi.
Acer eKinekt velosiped stoli
Acer faol va ekologik sog‘lom hayot tarzi uchun eKinekt Bike Desk’ni taklif qiladi. eKinekt – bu stol va velotrenajyor kombinatsiyasi bo‘lib, ofis xodimlari, frilanserlar va talabalarga hatto o‘ta band paytlarida ham o‘zlarini tetik his qilishlariga imkon beradi. Pedalni aylantirishdan chiqadigan energiya gajetlarni zaryadlashga ishlatiladi. Velostol, pedallar daqiqasiga 60 ta aylantirilganda, 75 Vt/soat elektr energiyasini ishlab chiqaradi.
Kundalik vazifalardan ajralmagan holda sport bilan shug‘ullanish 2 ta rejimda taklif etiladi. Ish rejimida stol, yozish qulay bo‘lishi uchun, kresloga yaqinroq joylashtiriladi. Sport rejimida stol usti nariroqqa suriladi – shunda, xuddi velotrenajyorda bo‘lgani kabi, egilish uchun masofa hosil bo‘ladi. eKinekt velostolini ishlab chiqarishda PCR-plastikdan foydalaniladi.
Swift Go – hayratlanarli rang uzatilishiga ega ingichka noutbuk
Acer yangi Swift Go – OLED-displeyiga ega ingichka va yengil noutbukni taqdim etadi. Swift Go 16 modeli atigi 1,4 kg, Swift Go 14 esa – 1,3 kg. Sun’iy intellektli protsessorlar yuqori unumdorlikni, shuningdek, videokonferensiya vaqtida ovoz hamda tasvir tiniqligini kafolatlaydi. Avtonom ishlash davomiyligi 9,5 soatdan oshadi.
Swift Go noutbuklarining sensorli displeylari ustiga mikrobga qarshi mustahkam oyna qoplangan, u tirnalishlar paydo bo‘lishi va bakteriyalar ko‘payishining oldini oladi. Tachpad okeandan yig‘ib olingan plastikdan yasalgan, bu ham atrof-muhitni asrashga qo‘shilgan hissa sanaladi.
O‘yin ekotizimi
Tayvan xoldingi to‘laqonli o‘yin ekotizimini yaratishda davom etadi, u jihoz (SHK, displeylar va aksessuarlar), geymerlar musobaqalari, PLANET 9 platformasi va sevimli o‘yinlarning hajmli talqini yaratuvchi SpatialLabs texnologiyasini o‘z ichiga oladi.
2023-yilda Acer o‘yin portfoliosini yangi Predator noutbuklari va monitorlari hisobiga kengaytiradi. Intel vitse-prezidenti Stiv Long Predator Helios 16 va Helios 18 modellari laboratoriya sinovlarida bozordagi muqobillariga nisbatan yaxshiroq unumdorlikni – Crossmark sinovlarida 40 foizgacha va Blender’da 200 foizgacha ustunlikni ko‘rsatganliklarini qayd etdi.
OLED-displeyiga ega Predator monitorlari (45 dyuym va 27 dyuymli) 240 Gts li, yashin tezligidagi yangilanish chastotasi, bor-yo‘g‘i 0,01 millisekundlik hozirjavoblik va tasvirlar batafsilligining a’lo darajada ekani bilan kishini jalb qiladi.
Acer Aspire – butun oilaga mos liniya
Acer Aspire mahsulotlari turli maqsadlardagi kundalik vazifalarni hal qilish uchun yaratilgan. Aspire S monobloki bilan uyda minimalistik va zamonaviy ruhdagi ishchi muhit yaratish oson. Monoblok ko‘p vazifalilik rejimida yuqori unumdorlik, tiniq tasvir va ovozning DTS Surround yuqori sifatini namoyish etadi.
Havola orqali o‘tib, Acer’ning boshqa yangiliklaridan xabardor bo‘ling: Nitro seriyasidagi o‘yin noutbuklari va universal, ishchan Aspire noutbuklari.
Reklama huquqi asosida.
Izoh (0)