Кириб келган 2023 йил 2022 йилдан илиқроқ бўлиши мумкин, дея маълум қилди Жаҳон ёввойи табиат фонди (WWF)нинг Россиядаги Иқлим дастури директори Алексей Кокорин.
Унинг сўзларига кўра, ҳамма нарса Тинч океанида оқимлар ҳолатига, Эл-Ниньо (океан юзасидаги ҳароратнинг аномал равишда ошиши) ва Ла-Ниня (океан юзасида ҳароратнинг аномал даражада пасайиши) ҳодисаларига боғлиқ бўлади. Шундан келиб чиқиб, 2020 йил жуда илиқ, 2021 йил совуқроқ ва 2022 йил эса тахминан худди 2021 йилдек бўлган.
«2023 йилда, камида, йил бошида Ла-Ниня даври, яъни совуқроқ фаза давом этади. Аммо кейин, катта эҳтимол билан, илиқ фаза бошланади. Шунинг учун 2023 йил умуман олганда 2022 йилдан илиқроқ бўлиши мумкин», — дея у эҳтимолий об-ҳаво аномалиялари ҳақида огоҳлантирди. 2024 йил эса «анча илиқроқ» бўлади.
Синоптик айтишича, келаси ўн йилликда, шу жумладан, 2023 йилда ҳам, экстремал об-ҳаво ҳодисалари кўпаяди. Унинг сўзларига кўра, об-ҳаво аномалиялари аввалги ўн йилликка қараганда анча кўпроқ бўлади.
«Икки баробар кўпаймаса ҳам, барибир анча ортади, бу бизга сезилади», — деди мутахассис.
Хабар берилишича, совуқ қиш фасллари келгуси ўн йилликда камайиши керак.
Изоҳ (0)