Kirib kelgan 2023-yil 2022-yildan iliqroq bo‘lishi mumkin, deya ma’lum qildi Jahon yovvoyi tabiat fondi (WWF)ning Rossiyadagi Iqlim dasturi direktori Aleksey Kokorin.
Uning so‘zlariga ko‘ra, hamma narsa Tinch okeanida oqimlar holatiga, El-Ninyo (okean yuzasidagi haroratning anomal ravishda oshishi) va La-Ninya (okean yuzasida haroratning anomal darajada pasayishi) hodisalariga bog‘liq bo‘ladi. Shundan kelib chiqib, 2020-yil juda iliq, 2021-yil sovuqroq va 2022-yil esa taxminan xuddi 2021-yildek bo‘lgan.
“2023-yilda, kamida, yil boshida La-Ninya davri, ya’ni sovuqroq faza davom etadi. Ammo keyin, katta ehtimol bilan, iliq faza boshlanadi. Shuning uchun 2023-yil umuman olganda 2022-yildan iliqroq bo‘lishi mumkin”, — deya u ehtimoliy ob-havo anomaliyalari haqida ogohlantirdi. 2024-yil esa “ancha iliqroq” bo‘ladi.
Sinoptik aytishicha, kelasi o‘n yillikda, shu jumladan, 2023-yilda ham, ekstremal ob-havo hodisalari ko‘payadi. Uning so‘zlariga ko‘ra, ob-havo anomaliyalari avvalgi o‘n yillikka qaraganda ancha ko‘proq bo‘ladi.
“Ikki barobar ko‘paymasa ham, baribir ancha ortadi, bu bizga seziladi”, — dedi mutaxassis.
Xabar berilishicha, sovuq qish fasllari kelgusi o‘n yillikda kamayishi kerak.
Izoh (0)