Шимолий Корея етакчиси Ким Чен Ин ҳукуматга янги қитъалараро баллистик ракетани ишлаб чиқиш ва тактик ядро қуролларини оммавий ишлаб чиқариш бўйича кўрсатма берди. Бу ҳақда Корея марказий телеграф агентлигига таяниб, Reuters ёзмоқда.
Шимолий Корея етакчиси суверенитет ва хавфсизликни ҳимоя қилиш учун республика ядровий арсеналини яратиш ҳамда уни «ҳарбий куч» билан таъминлаш зарурлигини таъкидлаган.
«Ким Чен Ин асосий миссия сифатида тезкор ядровий қарши кураш қобилиятига эга яна бир қитъалараро баллистик ракета тизимини яратиш вазифасини олдинга қўйди», — дейилади нашрда.
Бундан ташқари у Пхеньян имкон қадар тезроқ ҳарбий сунъий йўлдошни учирмоқчилигини маълум қилган. Ким Чен Ин, шунингдек, Шимолий Кореянинг янги ракеталари тактик ядро қуролини олиб юришга қодирлигини айтган.
Изоҳ (0)