Бразилия терма жамоаси Титенинг истеъфосидан кейин бош мураббийлик учун қатор номзодларни кўриб чиқяпти.
L’Equipe нашрининг хабар қилишича, ушбу лавозимга Зинедин Зидан, Маурисио Почеттино, Томас Тухель ва Рафаэл Бенитес каби мутахассислар номзод бўлиб турибди.
Қайд этилишича, Бразилия футбол конфедерацияси ушбу ўринга сезиларли натижаларга эришган чет эллик мураббийни тайинламоқчи. Айни вақтда ишсиз юрган мутахассислар энг мақбул вариант сифатида кўрилмоқда.
Аввалроқ Бразилия терма жамоасига «Реал» устози Карло Анчелоттининг номзоди кўриб чиқилаётгани хабар қилинганди.
Бразилиянинг аввалги устози Тите ЖЧ—2022 дан кейин истеъфо берган. «Пентакампеонлар» Қатар мундиали чорак финалида Хорватияга енгилиб, мусобақа билан хайрлашганди.
Изоҳ (0)