Аргентина терма жамоаси ҳужумчиси Лионель Мессининг Instagram’га қўйган расми ижтимоий тармоқлар орасида энг кўп лайк йиғган постга айланди. Сурат қўйилган вақтдан ҳозирга қадар лайклар сони 72 миллиондан ошди.
Жаҳон Чемпионатида зафар қучганидан сўнг Мессининг Instagram’ида жаҳон кубогини кўтариб тушган сурати пайдо бўлди. Бир неча кун ичида ушбу пост шу вақтга қадар Instagram’да энг кўп лайк тўплаган World Record Egg саҳифасидаги тухумнинг машҳур суратини (56 миллион) ортда қолдирди.
Энди Мессининг пости Белла Порчнинг рекордини ҳам янгилади. Қўшиқчининг TikTok платформасига 2020 йилда жойлаган видеоси 64 миллион лайк йиғиб, ижтимоий тармоқлар тарихида рекорд қайд этганди. Лео ушбу рекордни ҳам янгилади.
Месси финал баҳсида 2 та голни ўз ҳисобига ёздириб қўйди ва пенальтилар сериясида ҳам ўз имкониятидан унумли фойдаланди. Аргентина билан бирга Жаҳон Чемпионати совринини боши узра баланд кўтарди.
Изоҳ (0)