Райан Рейнолдс ва Блейк Лайвли Голливуднинг энг содиқ ва бир-бирига мос жуфтликларидан бири ҳисобланади. 10 йиллик турмуши давомида машҳурлар 3 фарзандли бўлишди, яқинда эса оилага яна бир чақалоқ қўшилиш кутилмоқда. Аммо кўпчилик уларнинг қизлари Голливуд ҳашаматидан узоқда яшашини билмайди, чунки ота-оналар уларга оддий болалик беришни хоҳлайди.
Райан ва Блейк 2011 йилда «Яшил фонар» фильмида биринчи марта танишганидан роппа-роса бир йил ўтиб муносабатларга киришган. Бунгача улар фақат яқин дўст бўлган.
Орадан 3 йил ўтгач, улар фарзандли бўлишди. Ота-оналар ҳали ҳам катта қизининг туғилган санасини мухлислардан яширишади, фақат қизнинг исми Жеймс эканлиги маълум холос.
2016 ва 2020 йилларда Рейнолдс ва Лайвли оиласида яна икки қиз — Инес ва Бетти дунёга келди. Кўп болали отага айланган Райан кинодаги карьерасидан танаффус қилишни ва бўш вақтини оиласига бағишлаш истагини билдирди.
Бахтли ота болаларига бўлган севгисини ҳатто кичик нарсаларда ҳам намойиш этади. Мисол учун, телешоудаги чиқиши учун актёр қизлари бисердан ясаган мунчоқли билагузукларни тақиб чиққан. Кейинчалик актёр бу мунчоқларни ёз охиригача қўлидан ечмаганини айтади.
Жуфтлик интервьюларидан бирида болаларни энг табиий шароитда тарбиялаш қарори ҳақида гапириб берди. «Биз қизларимизнинг ҳаётини имкон қадар нормал ҳолатга келтирмоқчимиз, шунда уларнинг болалиги ҳам худди бизникига ўхшайди».
Қизларини нормал ҳаёт билан таъминлаш истаги улар ишлашни афзал кўрган лойиҳаларга ҳам таъсир қилди. «Мени суратга олиш майдончасида ушлаб туриши, уйдан чиқариши ва болаларимдан узоқлаштириши мумкин бўлган ягона нарса — менга жуда ёқадиган рол бўлиши мумкин», — дейди Блейк ҳақиқатни тан олган ҳолда.
Райан ҳам худди шундай фикрда: у фильмда суратга тушишдан кўра уйда оиласи билан вақт ўтказиш имкониятини афзал кўришини тан олади. «Мен бу сеҳрли вақтни ўтказиб юборишни хоҳламайман. Ахир, бу йилларни кейин қайтариб бўлмайди», — дейди бахтли оила бошлиғи.
Юлдузли ота-оналар фарзандлари ҳақидаги маълумотларни яширишади. Бу ҳақда Блейк шундай деганди: «Эрим ва мен шахсий ҳаёт жамиятга аралашиб кетадиган касбни танлаганмиз. Биз қилаётган ҳамма нарса дарҳол оммага эълон қилинади. Оммага ошкор этиладиган ҳаёт уларга керакми ёки йўқми — буни болаларимизнинг ўзлари ҳал қилишини истаймиз».
Бахтли ота-она кўпроқ фарзанд кўришга қарши эмас. «Мен 5 фарзандли оилада ўсганман, эримнинг оиласида эса 4 нафар. Демак, биз расмий тарзда кўп фарзандли оиламиз», — деди Блейк ўз интервьюларидан бирида.
Мавзуга доир:
Изоҳ (0)