Россиянинг SPB Exchange биржаси Ўзбекистон компанияларининг акцияларини листингга чиқаришга тайёргарлик кўрмоқда. Бу ҳақда савдо майдончаси раҳбари Роман Горюновга таяниб, «Коммерсантъ» хабар бермоқда.
Фонд биржасида листинг (биржа котировка варағи) – бу компаниянинг биржа талабларига жавоб беришини текширишдан иборат махсус биржа тадбири.
Бундан ташқари, Ҳиндистон, Бразилия, Мексика, Жанубий Африка ва бошқа ривожланаётган мамлакатларнинг ҳам қимматли қоғозлари листингга чиқарилиши кутилмоқда.
Горюновнинг сўзларига кўра, 2023 йил охиригача савдо майдончаси Гонконг фонд биржасида жойлашган Хитой акциялари сонини 500 тага етказмоқчи.
Айни пайтда фонд биржасида 79 та Гонконг қимматли қоғозлари билан битимлар инвесторлар учун мавжуд.
Бундан ташқари, биржа Гонконг доллари ва юань ETF’лари билан сотиладиган инвестиция воситалари сонини оширади (2023 йилнинг биринчи ярмида 25 та фонд бўлади).
SPB Exchange ўз инфратузилмасида биржа оператори мақомини ва юқори ликвидли биржа воситаларини чиқариш, муомалага чиқариш учун ахборот тизимини олиш учун ариза беришни режалаштирмоқда.
2022 йилда савдо майдончасида 11 та янги иштирокчи аккредитациядан ўтказилди ва 2023 йилда яна 5 та янги иштирокчи қўшилиши кутилмоқда.
SPB Exchange маҳаллий платформаларни ривожлантириш, фуқароларнинг сармоявий саводхонлигини оширишга қаратилган лойиҳаларни ишлаб чиқиш ва бозор маълумотлари асосида маҳсулотларни ишлаб чиқариш учун дўстона юрисдиксияларга технологиялар ва тажрибани кенгайтиришни режалаштирмоқда.
Изоҳ (0)