Ўзбекистон бўйича пилла энг кўп қайси ҳудудда етиштирилаётгани маълум қилинди

Давлат статистика қўмитаси маълумотларга кўра, 2022 йилнинг январь—сентябрь ойларида республика бўйича жами 24,2 минг тонна пилла хом ашёси тайёрланди.

Таъкидланишича, бу 2021 йилнинг мос даври билан солиштирилганда 6,4 фоизга ошган. Ҳудудлар кесимида етиштирилган пилла хом ашёси ҳажми:

• Қорақалпоғистон — 802,1 тонна;
• Андижон вилояти – 3 115,2 тонна;
• Бухоро вилояти – 2 574,4 тонна;
• Жиззах вилояти – 802,7 тонна;
• Қашқадарё вилояти – 2 295,8 тонна;
• Навоий вилояти – 1 022,2 тонна;
• Наманган вилояти – 2 031,5 тонна;
• Самарқанд вилояти – 3 122,6 тонна;
• Сурхондарё вилояти – 1 832,1 тонна;
• Сирдарё вилояти – 665,6 тонна;
• Тошкент вилояти – 1 710,4 тонна;
• Фарғона вилояти – 2 241 тонна;
• Хоразм вилояти – 2 015,3 тонна.

Аввалроқ Ўзбекистонда пиллани аҳолидан жаҳон биржаларидан кам бўлмаган нархда харид қилиш бошланиши, бу камида 500 минг аҳолини банд қилиб, уларнинг даромадини 2—3 баравар ошириш имконини бериши хабар қилинганди.

Мавзуга доир:

• Ўзбекистонда пилла етиштирувчиларга субсидия ажратиш тартиби белгиланди
• Ўзбекистонда хонадонларда пилла етиштирувчиларга субсидия ажратилади