Hukumat qarori bilan pilla yetishtiruvchi jismoniy shaxslarga ular tomonidan yetishtirilgan pilla (ho‘l pilla) hosili uchun subsidiya ajratish tartibi to‘g‘risidagi nizom tasdiqlandi.
Nizomga ko‘ra, 2022-yil 1-yanvardan 2025-yil 1-yanvargacha pillaning har kilogrammi uchun 5 ming so‘m subsidiya beriladi.
Ipakchilik va jun sanoatini rivojlantirish qo‘mitasi tomonidan har yili 20-iyulgacha respublikadagi pilla yetishtirish prognozlari ishlab chiqilib Moliya vazirligiga beriladi. Moliya vazirligi prognoz asosida budjetdan subsidiya ajratib qo‘mitaga 1-fevralgacha o‘tkazib beradi.
Pillachilik klasterlari va tashkilotlari “Agropilla” MChJlar bilan subsidiya oluvchilar ro‘yxatini shakllantiradi va 25-fevralgacha agentlikning hududiy boshqarmasiga beradi.
Hududiy boshqarma ro‘yxatni umumlashtirib 1-martgacha qo‘mitaga yuboradi. Qo‘mita 10-aprelgacha pullarni subsidiya oluvchilarga berish uchun maxsus hisob varaqlarga o‘tkazadi. Pillachilik klasterlari va tashkilotlari subsidiya oluvchilarga pullarni kartaga yoki bankdagi hisob varaqlariga o‘tkazib beradi.
Mavzuga doir:
- “Yiliga 80 tonnadan ortiq baliq yetishtirgan klasterlar uch yil muddatga barcha soliqlardan ozod etiladi” — Shavkat Mirziyoyev
- O‘zbekistonda tomorqa yer egalariga 100 mln dollar miqdorida kredit ajratiladi
- Shavkat Mirziyoyev bozor tamoyillariga asoslangan ipoteka kreditlari orqali aholini uy-joy bilan ta’minlashga oid farmonni imzoladi
Izoh (0)