АҚШ Сенати 2023 йил учун 858 млрд долларлик мудофаа бюджетини тасдиқлади — бу рекорд сумма

АҚШ Конгресси Сенати (юқори палатаси) 2023-молия йили учун рекорд даражада — 858 миллиард долларлик мудофаа бюджети лойиҳасини  маъқуллади, деб хабар бермоқда Reuters.

Аввалроқ лойиҳа Конгресснинг иккала палатасида Қуролли кучлар ишлари бўйича қўмиталар ҳамда Вакиллар палатаси (қуйи палата) томонидан маъқулланган эди. Энди ҳужжат АҚШ президенти Жо Байденга имзолаш учун юборилади.

858 миллиард долларлик лойиҳа қуйидагилардан иборат бўлади:

• 317,3 миллиард доллар — эксплуатация ва техник хизмат кўрсатиш (шу жумладан, айланма маблағлар);
• 174,5 миллиард доллар — ҳарбий хизматчиларни маош билан таъминлаш учун;161,3 миллиард доллар — ҳарбий харидлар учун;138,6 миллиард доллар — тадқиқот ва ишланмалар учун;30,5 миллиард доллар — Атом энергетикаси фаолияти учун;16,5 миллиард доллар — ҳарбий қурилиш ва оилавий уй-жой учун.

Лойиҳа, хусусан, Россияни Европада «тийиб туриш» учун 6 миллиард доллар ажратиш, Украинага ёрдам бериш учун қўшимча 800 миллион доллар ажратиш, АҚШнинг Россия билан ҳарбий соҳада ҳамкорлигини тақиқлаш муддатини беш йилга узайтириш, шунингдек, Россияни халқаро ташкилотлар, шу жумладан G20 аъзолигидан чиқариб ташлашни талаб қилувчи буйруқларни ўз ичига олади.

Маълумот учун, 2022 йилда АҚШ мудофаа бюджети 770 миллиард долларни, 2021 йилда 740,5 миллиард долларни, 2020 йилда 740 миллиард долларни, 2019 йилда 738 миллиард долларни ташкил этган.