Украина президенти Владимир Зеленский The Economist нашрига берган интервьюсида Россия билан музокарага қайтиш ҳақида гапирди.
Зеленскийнинг сўзларига кўра, музокараларни бошлаш учун Путин 1991 йилги чегараларга қўшинларини олиб чиқиши керак.
«Путиннинг Украинага қарши урушдаги мағлубияти аллақачон аён – у хатосини қанчалик тез тан олиб, 1991 йилдаги чегараларга қўшинларни олиб чиқса, у ва унинг атрофидагилар шунчалик узоқ умр кўради», — дейди Украина раҳбари.
Президент уруш қандай якунланиши «аллақачон аниқ»лиги ва Украина Россиянинг иккинчи босқинидан ўзини ҳимоя қилиш учун ҳудудий яхлитлигини тиклашга интилаётганини таъкидлади.
«Воқеанинг реал тасвирига қарашимиз керак, чунки бутун дунё, Украинани нафақат қўллаб-қувватламоқда, балки дипломатик, иқтисодий, санкция ёрдамида агрессия учун товон тўланиши кераклигини кўрсатмоқда», — дейди Зеленский.
Шунингдек, у агар Путин Россия қўшинларини 1991 йил чегараларига олиб чиқса, бу ҳолда уруш ҳарбий амалиётдан дипломатияга ўтишини айтган. «Тегишли буйруқни фақат Россия президенти бериши мумкин», — дея қўшимча қилган у.
Мавзуга доир:
Изоҳ (0)