Кунлик рациондан ўрин олиши шарт бўлган фойдали маҳсулотлар

Организм учун зарур бўлган маҳсулотларни, албатта, кундалик рационга киритиш тавсия этилади, деб ёзади Marie Claire.

Карам

Оқ карамдан гулкарамгача, брокколи ва Брюссель карамлари ҳам организмдан токсинларни чиқариб ташлашда асосий компонент бўлган сулфорафанни ўз ичига олади.

Саримсоқ

Ароматик хусусиятларга қарамай, у юқори антивирус ва антибактериал фаолликка эга, иммунитетни яхшилайди ва авитаминозга қарши курашади. Бир ҳафта давомида кунига икки бош саримсоқ истеъмол қилиш детокс таъсирини таъминлайди.

Лавлаги

Витамин, минерал, биофлавоноид ва антиоксидантлар манбаи. Холестеринни камайтиришга, метаболизмни ва қон ҳолатини яхшилашга ёрдам беради, минимал калория миқдорини ўз ичига олади.

Шифобахш гиёҳлар қўшилган чойлар

Баъзан барча ичимликар ўрнига шунчаки кўк чойга ичиш истаги пайдо бўлади. Чойга майдаланган занжабил илдизи қўшилса, унинг детоксификация қилувчи хусусиятларини оширади.

Исмалоқ

У ичаклар, ошқозон ости бези функцияларини тиклайди, кўришнинг ёшга боғлиқ ёмонлашишига қарши туради, организмдан токсинларни чиқариб ташлайди.

Гожи мевалари

Тибетнинг мўъжизавий резавори фойдали маҳсулот бўлиб, витамин, минерал аминокислота ва полисаккаридларга бой. Унинг янги ёки қуритилганини истеъмол қилиш мумкин.

Помидор

Помидор ранги антосиянинларнинг кўплиги билан боғлиқ. Тадқиқотлар шуни кўрсатдики, помидор истеъмол қилинганда организмнинг табиий тозалаш жараёнига эришиш мумкин. Қолаверса, саратон ҳужайраларига юқори қаршилик кузатилади.

Артишок

Метаболизмни яхшилаш, жигарни тозалаш ва холестеринни камайтириш хусусиятлари билан машҳур.