Ютиниш пайтида томоқдаги ўткир оғриқлар бир қатор касалликларнинг белгиси бўлиши мумкин. Уни енгиллаштиришнинг усуллари мавжуд, лекин биринчи навбатда яллиғланишга нима сабаб бўлганини аниқлаш керак, деб ёзади Wday.
Кўпинча томоқ оғриғи ЎРВИ билан бирга кузатилади. Ушбу касалликка бурун оқиши, иситма ва умумий ҳолсизлик ҳам қўшилади. Томоқ оғриғи қуйидаги сабабларга кўра юзага келиши мумкин:
- Ангина, бодомсимон безлар яллиғланганда. Томоқ оғриғига қўшимча равишда, бош оғриғи, иситма қўшилади.
- Паратонзиллит — тонзиллитнинг асорати. Касаллик бош оғриғи, иситма, қулоқ оғриғи билан кечади.
- Фарингит — томоқнинг яллиғланиши. Қуруқлик ва ачишиш ҳам кузатилади, ютиниш жараёни қийинлашади, қулоқлар битиши мумкин.
- Ларингит — ҳалқумнинг яллиғланиши. Қуруқлик ва овоз бўғилиши кузатилади.
- Кекирдак тўқималарнинг йирингли яллиғланиши. Томоқ оғриғидан ташқари, ҳарорат кўтарилади ва бурун билан нафас олиш қийинлашади.
- Ёт жисмларнинг томоққа кириши.
- Қизилўнгачнинг куйиши, шикастланиши ва яллиғланиши.
- Кекирдак, ҳалқум, қизилўнгачда ўсмалар.
- Аллергик реакциялар.
- Ошоқозон-қизилўнгач рефлюкси — бу ошқозон таркибидаги моддалар қизилўнгачга қайтса. Бу ҳолат жиғилдон қайнаши, кўкрак қафасда оғриқлар билан бирга кузатилади.
Томоқдаги қаттиқ оғриқни қандай бартараф этиш мумкин?
Агар ютиниш пайтидаги оғриққа ЎРВИ сабаб бўлса, уни тезда бартараф этиш мумкин:
- кўпроқ илиқ суюқлик ичиш;
- асал ва сариёғ билан илиқ сут ичиш;
- туз ва сода эритмаси билан чайқаш;
- томоққа спиртли компрессни қўллаш;
- томоқни иссиқ шарф билан ўраб олиш;
- ингаляция қилиш;
- мойчечак ёки календула қайнатмасини ичиш.
Изоҳ (0)