Нима учун тишни босганда, вақти-вақти билан оғриқ пайдо бўлади?

Тиш оғриғи, ҳатто жуда қисқа бўлса ҳам, жиддий ноқулайлик туғдиради. Тиш сурункали эмас, балки вақти-вақти билан оғрийди ва овқатланиш қийинлашади. Wday нашри тишни босганда пайдо бўладиган оғриқда нима қилиш кераклигини ва бундай касаллик билан қандай курашиш кераклигини маълум қилди.

Нима учун тишни босганда оғриқ кузатилади?

Босим орқали кузатиладиган тиш оғриғининг сабаблари бошқача бўлиши мумкин. Улар орасида қуйидагилар кенг тарқалган:

• Тиш шифокорига ташриф буюргандан кейинги оғриқ. Баъзида тиш даволанаётганда, унга босим ўтказилади ва оғрийди. Аммо бир неча кундан кейин ноқулайлик ўтиб кетади.
• Милкнинг яллиғланиши. Умумий оғриққа милк касаллиги сабаб бўлиши мумкин. Иммунитетнинг заифлашиши тишнинг арзимас босимда ҳам оғришига олиб келади. Аммо, аслида, тиш соғлом — ноқулайлик милкнинг яллиғланиш хусусияти билан боғлиқ.
• Тишнинг жароҳатланиши. Агар қаттиқ конфет ёки ёнғоқларни тишлашни яхши кўрсангиз, эмалдаги микро ёриқлар тишларнинг шикастланишини келтириб чиқариши мумкин. Бир қарашда зарар сезилмайди, лекин аслида у қаттиқ оғриқни келтириб чиқаради.
• Периодонтит. Бу тиш илдизи юқори қисмининг яллиғланишига олиб келадиган кариес. Оғриқдан ташқари, бу касаллик яна бир нечта аломатлар билан бирга кузатилади: касалланган тиш бошқаларга қараганда кўтарилиб қолганини ҳис қилиш, оғриқнинг аниқ жойлашуви ва бемор аҳволининг доимий ёмонлашиши каби ҳолатлар ҳам пайдо бўлади.
• Тишларнинг сезгирлиги. Бу оғриқ овқатни чайнаш ёки иссиқ ичимликлар ичиш пайтида тўсатдан пайдо бўлади ва худди шундай тез йўқолади. Агар ушбу муаммолардан бири кузатилса, оғриқни уй шароитида ҳам енгиллаштириш мумкин.

Тиш босилганда нима учун оғриётганини аниқлаш учун тишнинг жағда қандай маҳкамланганини билиш керак. Тишнинг илдизи лигаментли аппаратлар ёрдамида жағнинг ичига бириктирилади. Бу лигаментли аппарат периодонт деб аталади. Шунга кўра, тишни босганда оғриқ қандайдир тарзда периодонт яллиғланиш билан боғлиқ — бу жараён периодонтит деб аталади.

Периодонт яллиғланишга нима сабаб бўлади?

• Чайнаш пайтида қаттиқ озиқ-овқатнинг таъсиридан шикастланиши;
• Нотўғри гигиена билан боғлиқ оғиз бўшлиғидаги инфекция;
• Ривожланган кариес туфайли тишдаги инфекция.

Бу барча сабаблар эмас, балки асосийларидир. Шуни ҳам таъкидлаш керакки, тиш каналларини тўлдиришда ва илдизнинг юқори қисмидан ташқарида терапевтик материални олиб ташлашдан кейин босилганда оғриқ бир ой давомида сезилиши мумкин. Аммо у пасаймаса ва узоқ давом этса, даволанишни назорат қилиш учун рентген ташхисини қўйиш керак.

Оғриқн бартараф этиш учун қандай йўл тутиш керак?

Оғриқнинг аниқ сабабини аниқлаш ва уни йўқ қилишнинг энг яхши усули — шифокор билан учрашув. Бироқ уй шароитида ҳам баъзи чораларни кўриш мумкин.

• Биринчидан, тишларни яхшилаб ювиш ва озиқ-овқат қолдиқларини тиш ипи билан ўз вақтида олиб ташлаш керак.
• Иккинчидан, муз ёки майдаланган зубтурум илдизи керакли жойга ярим дақиқа давомида қўлланилиши мумкин.
• Учинчидан, оғизни истеъмол содаси ва ёд эритмаси билан чайиш лозим.

Бундай маҳсулотлар оғиз бўшлиғини мукаммал дезинфекция қилади. Мармарак (шалфей) дамламаси ҳам мос келади. Бироқ тиш босилганда, оғриқ давом этаётган бўлса, унинг ўз-ўзидан тўхташини кутмаслик ва мутахассисга мурожаат қилиш тавсия этилади.