Юрак уриши, нафас олиш, кўпгина ички органларнинг иши ва ҳатто метаболизм тезлиги — буларнинг барчаси қалқонсимон безнинг ҳолатига боғлиқ. «Новий очаг» нашри организмнинг бу кичик, аммо жуда қимматли органи ҳақида муҳим фактлар билан бўлишди.

Қалқонсимон без касалликлари ҳар қандай ёшда пайдо бўлиши мумкин

Қалқонсимон безнинг энг кенг тарқалган касалликлари — гипо ва гипертиреоз (қалқонсимон без жуда кам ёки жуда кўп гормонлар ишлаб чиқарганда) мутлақо ҳар қандай ёшда пайдо бўлиши мумкин. Бу касалликларнинг аломатлари кўпинча чарчоқ, ортиқча ишлаш ёки руҳий тушкунлик сифатида ниқобланган бўлгани учун баъзида йиллар давомида касалликни аниқлаш қийин. Шунинг учун қалқонсимон безни мунтазам текширувдан ўтказиш ва агар керак бўлса, гормонлар учун қон топшириш муҳимдир.

Рацион қалқонсимон без саломатлигига таъсир қилади

Ёд, селен ва рух учта энг муҳим элемент бўлиб, уларнинг етишмаслиги ёки ортиқча бўлиши қалқонсимон без соғлиғига сезиларли даражада зарар етказиши мумкин. Шифокорлар иложи бўлса, ушбу озиқ моддаларнинг керакли миқдорини озиқ-овқат орқали олишга ҳаракат қилишни тавсия қилади ва ёд даражаси ошиб кетмаслигига ишонч ҳосил қилиш керак, чунки бу қалқонсимон без учун унинг танқислиги каби хавфлидир.

Қалқонсимон без саратони тарқалиши ортиб бормоқда

Бугунги кунда қалқонсимон без саратони ушбу касалликнинг энг тез ўсиб бораётган турларидан биридир. Шифокорларнинг таъкидлашича, бу, биринчи навбатда, диагностикадан фойдаланиш имкониятининг ошиши билан боғлиқ, бунинг натижасида илгари шифокорлар эътиборидан четда қолган ҳолатлар статистикага киради. Аммо, шунга қарамай, замонавий инсон дуч келадиган экологик вазият, нотўғри овқатланиш ва юқори стресс қалқонсимон без саратони ривожланишига таъсир қилиши мумкин. Қандай бўлмасин, қалқонсимон без саратонининг дастлабки белгиларини билишга ва агар бирор нохуш аломатлар кузатилса, иложи борича тезроқ шифокор билан маслаҳатлашиш лозим.