Kunlik ratsiondan o‘rin olishi shart bo‘lgan foydali mahsulotlar

Organizm uchun zarur bo‘lgan mahsulotlarni, albatta, kundalik ratsionga kiritish tavsiya etiladi, deb yozadi Marie Claire.

Karam

Oq karamdan gulkaramgacha, brokkoli va Bryussel karamlari ham organizmdan toksinlarni chiqarib tashlashda asosiy komponent bo‘lgan sulforafanni o‘z ichiga oladi.

Sarimsoq

Aromatik xususiyatlarga qaramay, u yuqori antivirus va antibakterial faollikka ega, immunitetni yaxshilaydi va avitaminozga qarshi kurashadi. Bir hafta davomida kuniga ikki bosh sarimsoq iste’mol qilish detoks ta’sirini ta’minlaydi.

Lavlagi

Vitamin, mineral, bioflavonoid va antioksidantlar manbai. Xolesterinni kamaytirishga, metabolizmni va qon holatini yaxshilashga yordam beradi, minimal kaloriya miqdorini o‘z ichiga oladi.

Shifobaxsh giyohlar qo‘shilgan choylar

Ba’zan barcha ichimlikar o‘rniga shunchaki ko‘k choyga ichish istagi paydo bo‘ladi. Choyga maydalangan zanjabil ildizi qo‘shilsa, uning detoksifikatsiya qiluvchi xususiyatlarini oshiradi.

Ismaloq

U ichaklar, oshqozon osti bezi funksiyalarini tiklaydi, ko‘rishning yoshga bog‘liq yomonlashishiga qarshi turadi, organizmdan toksinlarni chiqarib tashlaydi.

Goji mevalari

Tibetning mo‘jizaviy rezavori foydali mahsulot bo‘lib, vitamin, mineral aminokislota va polisakkaridlarga boy. Uning yangi yoki quritilganini iste’mol qilish mumkin.

Pomidor

Pomidor rangi antosiyaninlarning ko‘pligi bilan bog‘liq. Tadqiqotlar shuni ko‘rsatdiki, pomidor iste’mol qilinganda organizmning tabiiy tozalash jarayoniga erishish mumkin. Qolaversa, saraton hujayralariga yuqori qarshilik kuzatiladi.

Artishok

Metabolizmni yaxshilash, jigarni tozalash va xolesterinni kamaytirish xususiyatlari bilan mashhur.