Россия президенти Владимир Путин бир ҳафта олдин зинадан йиқилиб тушгани сабабли «тезда унинг йўғон ичагини операция қилиш керак». Бу ҳақда Кремлдаги номаълум манбаларга таяниб, Daily Star хабар берди.
Аввалроқ 70 ёшли президент уйида зинадан йиқилиб, қаттиқ жароҳат олгани хабар қилинганди. Маълум бўлишича, жароҳат кутилганидан анча жиддийроқ бўлган, шунинг учун энди унинг йўғон ичагини шошилинч операция қилиш керак.
«Ўтган ҳафта зинадан қулаш эътибордан четда қолмади ва кўкариш билан бевосита боғлиқ бўлмаган янги муаммоларни келтириб чиқарди», — дейди манба.
Путиннинг соғлиғи ёмонлашгани ҳақидаги миш-мишлар бир неча ойдан бери тарқалиб келмоқда. Кремлдаги инсайдерларга таяниб, Россия президенти узоқ вақт давомида саратон касаллигидан азият чекаётгани ва шу сабабли у овқат ҳазм қилишда жиддий муаммоларга дуч келгани, шунинг учун у парҳезга риоя қилишга мажбур бўлгани ҳақида маълумотлар тарқалган.
Бундан ташқари, у йўтал, бош айланиши, уйқу бузилиши, қорин оғриғи ва доимий кўнгил айниши, шунингдек, Паркинсон касаллиги ва шизоаффектив бузилиш белгилари билан оғригани айтилади.
Бироқ Путинда юқоридаги касалликлар борлиги ҳақида ишончли далил йўқ. Миш-мишларда Путин билан бирга барча саёҳатларда бир гуруҳ тиббиёт мутахассислари, шу жумладан онкологик касалликлар бўйича экспертлар ҳамроҳлик қилиши айтилади. Россия президенти саратонга чалингани ҳақидаги миш-мишларни унинг матбуот котиби Дмитрий Песков 1 апрель куни журналистлар билан суҳбатда рад этганди.
Мавзуга доир:
Изоҳ (0)