Украинанинг 82 мингдан ортиқ фуқароси оилалари билан «Украина учун бирлик» (У4У) дастури доирасида АҚШга жўнаб кетган. Бундай маълумотлар АҚШ Иммиграция хизматининг 11 декабрь кунги ҳисоботида келтирган.
АҚШ ҳукумати ташаббуси билан бошланган ушбу дастур украиналикларга гуманитар рухсатнома асосида мамлакатга кириш ва икки йил муддатга қолиш ҳуқуқини беради.
Дастурда иштирок этиш учун украиналик фуқаро АҚШда яшаш муддати учун пул берадиган ҳомий томонидан қўллаб-қувватланиши керак. Маълум бўлишича, украиналик қочқинларни қўллаб-қувватлашга қарор қилган 177 мингдан ортиқ америкалик ҳомийлар У4У дастурида иштирок этиш учун хизматга мурожаат қилган.
Бундан ташқари, АҚШда Украина ҳудудида уруш бошланган пайтда Америкада бўлган украиналиклар ва бир қатор бошқа мамлакатлар фуқаролари учун «Вақтинчалик ҳимоя» дастури мавжуд.
30 ноябрь ҳолатига БМТнинг Қочқинлар бўйича Олий комиссарлиги маълумотларига кўра, Европа давлатларида 4,5 миллионга яқин украиналик турли ҳимоя схемалари остида рўйхатга олинган.