Умуртқа — бу орқа ва бел соҳасининг марказий таянч тизими. Унинг асосий вазифаси — танани тутиб туриш, ҳаракатни таъминлаш ва орқа мияни ҳимоялашдир. Соғлом умуртқа кундалик ҳаёт тарзини ва унинг сифатини яхшилайди, шунинг учун унинг касалланиши организмнинг кундалик фаолиятига салбий таъсир қилиши мумкин.
Камҳаракат ҳаёт тарзи, семириш, қариш, қадди-қоматнинг ёмонлиги, юқори юкламалар, жароҳатлар, генетик омиллар, инфекциялар ва шишлар умуртқа соғломлигига салбий таъсир қилиши ва унинг касалланишини келтириб чиқариши мумкин. Сколиоз (умуртқанинг тўғри ва ён йўналишда қийшайиши), бел оғриқлари, умуртқалараро диск чурраси, стеноз (умуртқа каналининг торайиши) ва умуртқанинг синишлари энг кенг тарқалган ҳисобланади. Умуртқа касалликларини ташхислаш ва даволаш ишларини ортопед-мутахассислар ва травматологлар олиб боради. Даволаш касалликнинг турига боғлиқ ҳолда ўзгариб туради.
Умуртқанинг энг кенг тарқалган касаллиги — сколиоз
Сколиоз — бу умуртқанинг деформацияланиши бўлиб, у умуртқанинг аномал тарзда ён томонга қийшайиши билан тасвирланади. Умуртқа одатда “С” ёки “C” ҳарфлари шаклида букилади. Ён томонга қийшайишдан ташқари қуйидаги ҳолатлар: елкалар ёки сонларнинг тенгсизлиги, бир елканинг иккинчисидан баландлиги, белда ёки бел соҳасида дўппайишлар, гавда тузилишининг бузилиши, орқа оғриқлари кузатилиши мумкин. Сколиоз одатда ўсиш тезлиги энг юқори бўладиган болалик ёки ўсмирлик ёшида аниқланади.
-G-wXLfl-.jpg)
Катталарда касаллик кўпинча уларнинг болалик ёки ўсмирлик ёшида аниқланган сколиознинг авж олиши, ёки умуртқа тузилишининг ёш ўтиши билан биргаликдаги ўзгаришлари натижасида ривожланади.
Агар сколиоз даволанмаса, умуртқа қийшайишининг ошиши анча жиддий жисмоний ўзгаришларга ва ташқи кўринишнинг ҳам ўзгаришларига олиб келади. Орқа ва белда оғриқлар, нафас олиш ва юрак билан муаммолар, функцияларнинг чекланишлари ва руҳий-ижтимоий ҳолатлар пайдо бўлади. Касалликнинг авж олиши умуртқанинг оғир деформацияларига олиб келиши мумкин, улар шунчалик мураккаб бўлиши мумкинки, жарроҳлик аралашуви талаб қилиниши зарур бўлиб қолади. Агар сколиоз бошланғич босқичларда аниқланса ва тегишлича даволанса, сколиознинг юзага келиши мумкин бўлган оқибатларининг олдини олиш ва ҳаёт сифатини сақлаб қолиш мумкин бўлади.
Сколиозни даволаш пациэнт ҳолатининг оғирлиги, ёши ва бошқа омилларга боғлиқ ҳолда ўзгартириб турилади. Туркиянинг Acıbadem шифохоналари тармоғида турли усуллар қўлланилади: мониторинг, физиотерапия, маҳкамлаш ва жарроҳлик аралашуви. Сколиознинг енгил турлари фақат мунтазам равишда шифокор назоратида бўлишни талаб қилиши мумкин. Сколиоз симптомларини камайтириш ва умуртқа мушакларини мустаҳкамлаш учун физиотерапия ва махсус машқлар тавсия этилиши мумкин. Корсетлардан ўртача ва оғир сколиоз ҳолларида фойдаланиш мақсадга мувофиқ бўлади. Жарроҳлик операциялари агар сколиоз оғир ва даволашнинг бошқа усуллари самарасиз деб топиладиган ҳолларда кўриб чиқилиши мумкин.
Сколиозни жарроҳлик йўли билан даволаш
Операция умуртқани тўғрилаш ва стабиллаштириш мақсадида ўтказилади. Даволашга йўналтирилган стандарт амалиётда операция тўғрисида қарор қабул қилишдаги энг муҳим омиллар — қийшайишни классик баҳолаш ва унинг даражаси. Қийшайиш даражаси 40 дан ортиқ бўлган пациэнтларда сколиозни операция қилиш зарур, чунки бу косметик муаммо бўлиб, у ўпка ва юрак билан муаммоларни келтириб чиқариши, ҳаёт сифатини пасайтириши мумкин.
2012 йилдан буён Acıbadem шифохоналар тармоғида умуртқа соғломлиги соҳасида ишлаб келаётган ортопед-мутахассис ва травматолог, профессор, доктор Аҳмет Аланай сколиозни жарроҳлик усулида даволаш тўғрисидаги қарорни фақат жарроҳнинг ўзи қабул қилмаслиги керак деб ҳисоблайди. Жарроҳнинг тажрибасини баҳолаш, қўлланилаётган даволаш усуллари, беморнинг ҳолати, кутилаётган натижа ва деформациянинг бемор ҳаёт сифатига таъсири ҳам муҳим.
Профессор, Доктор Аҳмет Аланай
Сколиозни жарроҳлик йўли билан даволашнинг асосий мақсади — имкон қадар камроқ умуртқани операция қилган ҳолда қийшайишни тўғрилаш ва умуртқанинг юқори қўзғалувчан ҳолатда қолишини таъминлаб, кейинги қийшайишни тўхтатиш. Орқа спондилодези аксарият ҳолларда ўсиб келаётган болаларда бажарилади. Лекин бу ҳолатда ўсишни сақлаб турадиган усуллар (масалан, магнит билан бошқариладиган ўсувчи стерженлар) муҳим. Ўсувчи стерженлар тизими — бу касаллик ривожланишининг илк босқичларида аниқланган сколиозни даволаш учун фойдаланиладиган усул. Бу тизим умуртқага зарар етказмаган ҳолда букилишни назорат қилиш имконини беради, стерженларни эса ўсиш даври мобайнида узуайтириш мумкин. Магнит билан бошқариладиган ўсувчи стерженлар анъанавий усулга нисбатан анестезиялар ва операциялар сонини қисқартиради, такрорий операцияларнинг олдини олиб, болалар ва оилалар учун стресс ҳолатларини камайтиради.
Сколиозни даволашнинг янги усуллари
Янги усуллар ичида кам инвазив олд томондан маҳкамлашнинг торакоскопик усули муҳим ўрин тутади. Туркиядаги Acıbadem шифохоналар тармоғида ортопедия ва травматология соҳаси профессори, доктор Аҳмет Аланай, биринчи навбатда янги боғлам ёрдамида маҳкамлашнинг янги усулини қўллайди. Бу операциядан сўнг битиш жараёнини қисқартиришга ёрдам беради. Бу усулда умуртқанинг олд қисмида қийшайишнинг бўртиқ томонида жойлашган винтлар қалин полиэфир лента шаклидаги арқон билан бирлаштирилади ва тортилади. Бу одам ўсган сари умуртқа қийшайишининг ўз-ўзидан тўғриланишига ёрдам беради. Бу усул торакоскопик, яъни орқада узун кесиксиз бажарилади, бунда жарроҳлик чандиғи жуда кичик бўлади. Кесикнинг битиб кетиши талаб этилмайди, тикланиш вақти эса анча қисқа бўлади.
Шунга қарамай, профессор Аҳмет Аланай шунингдек сколиозни даволашнинг беморлар ҳаётини сақлаб қоладиган энг янги усулларини ажратиб кўрсатади: бу умуртқанинг спинал навигацияси, нейромониторинги ва 3D-макети. Спинал навигация винтларни анча хавфсиз ва аниқ киритиш имконини беради, нейромониторинг эса орқа мияда нерв сигналларининг ўтишини визуаллаштириш ҳисобига орқа миянинг шикастланиш хавфини пасайтиради. Умуртқанинг 3D-макети жарроҳларга деформациянинг ҳақиқий ўлчамларини кўриш имконини беради, бу даволаш жараёнини янада хавфсизроқ қилади. Профессор, доктор Аҳмет Аланайнинг сўзларига кўра, бу усуллар сколиоз билан касалланган беморларнинг ҳаёт сифатини яхшилайди ва операциядан кейинги тикланиш жараёнига ижобий таъсир кўрсатади.
“Сколиозда операциялар хавфсиз, чунки биз операциядан олдин тайёргарлик, текширишларни ўтказамиз ва эҳтиёт чораларини кўрамиз. Беморларни даволаш вақтида ва операциядан сўнг профессионал тарзда кузатиб борамиз. Сколиоз жарроҳлигида хавфсизлик — беморни муваффақиятли даволаш ва уни соғлом ҳаётга қайтаришнинг муҳим қисми”, — дейди доктор.
Операциядан сўнг тикланиш
Беморга йўналтирилган протоколлар сколиоз операциясидан сўнг тикланишнинг тез ва қулай ўтиши учун ишлаб чиқилади ва жорий этилади. Бу протоколлар беморнинг эҳтиёжларига ва жарроҳнинг нималарни афзал кўришига асосланган. Улар бемор шифохонадан имкон қадар тезроқ чиқиб кетишини кафолатлайди. Бундан ташқари уйда тикланиш вақти ҳам минимумгача қисқаради ва беморга нормал кундалик фаолиятга қайтишига ёрдам беради.
Профессор, доктор Аҳмет Аланай — сколиозни даволашда катта тажрибага эга бўлган ортопед-мутахассис ва травматолог. Туркиянинг Acıbadem шифохоналар тармоғи замонавий технологиялардан фойдаланган ҳолда, сифатли тиббий хизматларнинг кенг спектри билан машҳур. Беморларнинг қониқиши ва мамнунлиги — шифохона мутахассислари учун устувор омилдир!
Тошкентдаги ваколатхонамизнинг манзили: Тошкент шаҳри, Мирзо Улуғбек тумани, Буюк ипак йўли мавзеси, 19-уй.
- Телефон: +998 95 144 54 45
Самарқанддаги ваколатхонамизнинг манзили: Самарқанд шаҳри, Мирзо Улуғбек 140.
- Телефон: +998 66 234 41 71
Бухородаги ваколатхонамизнинг манзили: Академик I. Муминов кўчаси, 7.
- Телефон: +998 55 311 54 44
Расмий сайт орқали барча керакли маълумотларга эга бўлишингиз мумкин: www.acibadem.com.ru
Шунингдек, қўшимча маълумотларни олиш учун, ҳамда тажрибали ва юқори малакали шифокорларнинг қабулига ёзилиш учун Acıbadem расмий Facebook ва Instagram саҳифаларига аъзо бўлишингиз мумкин.
Реклама ҳуқуқи асосида.
Изоҳ (0)