Марокаш ЖЧ—2022 даги 5 та ўйинда битта гол ўтказиб юборди. Уни ҳам марокашлик футболчи ўз дарвозасига урган

Марокаш терма жамоаси ЖЧ—2022 чорак финалида Португалия 1:0 ҳисобида енгиб, ярим финалга йўл олди.

Волид Реграги бошчилигидаги жамоа Қатар мундиалидаги бешта ўйинда ўз дарвозасидан битта тўп олиб чиқди. Шунда ҳам тўп рақиб футболчилари томонидан киритилмаган, Канадага қарши баҳсда Наеф Агерда ўз дарвозасини ишғол қилиб қўйганди.

Хорватия (0:0), Бельгия (2:0), Испания (0:0, 3:0) ва Португалияга (1:0) қарши баҳсларда эса жамоа қуруқ ўйин ўтказган.

Марокаш плей-офф иштирокчилари орасида ўз дарвозасидан энг кам тўп олиб чиққан жамоага айланди. Тунис ҳам мусобақа давомида фақат битта гол ўтказиб юборди, бироқ жамоа гуруҳда қолиб кетди.

Ярим финалда Марокаш терма жамоаси Францияга қарши баҳс олиб боради.

Аввалроқ Марокаш Жаҳон Чемпионати ярим финалига чиққан Африка ва араб мамлакатларининг илк вакилига айлангани хабар қилинганди.