UFC 282. Анкалаев ва Блаҳович ўртасидаги жангда ғолиб аниқланмади. 12 та жангнинг 10 таси муддатидан аввал якунланди

АҚШнинг Лас-Вегас шаҳрида Ўзбекистон вақти билан 11 декабрь тонгида UFC 282 мусобақаси бўлиб ўтди.

MMA оқшомининг марказий жанги Магомед Анкалаев (17-1-1) ва Ян Блаҳович (29-9-1) ўртасида ярми оғир вазн тоифаси вакант камари учун кечди. Жангда ҳакамлар дуранг қайд этди ва титул вакантлигича қолди.

Яна бир марказий жанглардан бирида Педди Пимблетт (20-3) очколар эвазига Жаред Гордондан (18-6) устун келди.

Жаирзинё Розенструйк 1-раундда Крис Докосни нокаутга учратди. UFC тарихидаги энг ёш жангчи Рауль Росас эса Жей Перринни 1-раунддаёқ бўғиш усули билан таслим этди.

Асосий кард

• Ян Блаҳович ва Магомед Анкалаев ўртасидаги жангда дуранг қайд этилди;
• Педди Пимблетт очколар эвазига Жаред Гордондан устун келди;
• Сантиаго Понсиниббио 3-раундда Алекс Моронони нокаутга учратди;
• Дрикус дю Плесси 3-раундда Даррен Тиллни сабмишен орқали енгди;
• Илия Топурия 2-раундда Брайс Митчеллни сабмишен билан ютди.

• Рауль Росас 1-раундда Жей Перринни сабмишен билан енгди;
• Жаирзинё Розенструйк 1-раундда Крис Докосни нокаутга учратди;
• Эдмен Шаҳбазян 2-раундда Далча Лунгиамбулани нокаут қилди;
• Крис Кёртис 2-раундда Хоакин Баклини нокаутга учратди;
• Билли Куарантилло 2-раундда Александер Эрнандесни нокаут қилди;
• Ти Жей Браун 3-раундда Эрик Сильвани сабмишен билан ютди;
• Камерон Сейман 3-раундда Стивен Кослоуни нокаутга учратди.