Air Arabia авиакомпанияси 7 декабрдан Абу-Дабидан Тошкентга парвозларни йўлга қўйди. Бу ҳақда Uzbekistan Airports матбуот хизмати хабр қилди.
Абу-Даби—Тошкент—Абу Даби йўналиши бўйича йўловчи рейслари мунтазам равишда чоршанба ва шанба кунлари Airbus А320 самолётларида амалга оширилади.
Air Arabia авиакомпанияси Ўзбекистон ва БАА авиация идоралари келишувига мувофиқ ушбу йўналишда парвозларни йўлга қўйиши ҳақида аввалроқ хабар берилган эди. Air Arabia вакиллари 2023 йил давомида авиакомпаниянинг Абу-Дабидаги таянч аэропорти ихтиёридаги самолётлар сони 8 тадан 15 тага кўпайиши кутилаётгани ва шунга мувофиқ Самарқанд ёки Бухоро шаҳарларига парвозларни йўлга қўйишни режалаштирилаётганини ҳам маълум қилганди.
Air Arabia — штаб-квартираси Шаржада (БАА) жойлашган араб арзон авиакомпанияси бўлиб, Шаржа ва Александрия аэропортларидан, шунингдек, Марокашдаги тўртта аэропортдан Яқин Шарқ, Жануби-Шарқий Осиё, Европа, МДҲ ва бошқа мамлакатларга йўловчи ташувларини амалга оширади.
Ноябрь охирида Air Arabia Шаржа ва Наманган ўртасида мунтазам қатновларни йўлга қўйганди.
Изоҳ (0)